Ai tơngŏ Chính phủ Việt Nam pơn jăt tai tơnguh broă kă bro, ai tơl bơta ƀuơn nàng ală mpồl lơh sa kă bro câu Âu in, tàm hơ̆ geh Airbus, rề ơnàng broă lơh, bơcri priă di pal mờ adăt boh lam lơgar Việt Nam dê, Thủ tướng pin dờn là mờ tơngu me bơta git gơ̆p niam bơnĕ tàm 40 nam lơh broă bal đah lơgar Việt Nam mờ tập đoàn Airbus dê, rơ̆p pơn jăt tai mŭt tàm tơngai bơtàu tơnguh pa, mùl màl rơlao, geh cồng nha, tài bơta kwơ bơh bàr gah dê.

Ồng Wouter van Wersch ring bal uă mờ ală jơnau đơs bơh Thủ tướng dê, mờ đơs nền lơgar Việt Nam là dùl lơgar ai lài bơh Airbus dê, gah rơndeh par do gŏ geh bơta niam dờng mờ kờñ tơnguh, lơh đềt mềr bơta git gơ̆p mờ lơgar Việt Nam; ờ mìng tàm broă ai geh rơndeh par mờ gam bơ̆t bơtàu bơta git gơ̆p tam klăc bal jŏ jòng, tơnguh uă bơta pràn ai gah rơndeh par Việt Nam in.