Do là tơngume geh đơs sùm tàm dơ̆ pơrjum sền sơ wì bơta lơh sa- mpồl bơtiàn nhai 10 mờ 10 nhai nam 2026 pa geh Anih duh broă Làng bol càr Dăk Lăk dê bơyai lơh. Tàm 10 nhai, kờp jơh priă geh bơh lòt nhơl bơh càr dê lơh geh rlau 17 rơbô 800 tơmàn đong, sơr lèt broă rơndăp lơh gùt nam. Càr neh tơrgùm bơsong rlau 280 rơndăp broă lơh lơyài tŭ tơngai mut lơh, lơh geh mờr 71%. Mơya, priă dia pa kờp dŭ geh 14 rơbô 320 tơmàn đong, gơmù pơgăp 390 tơmàn đong.

Chủ tịch Anih duh broă Làng bol càr Dăk Lăk sồr ală sờh, gah, ală tiah kờp sền tơl broă jàu ờ hềt lơh geh, sền gĭt loh bơnah ờ tơl mờ broă lơh bơtơl wơl; gròi sền tŭ tơngai mut lơh tơl rơndăp broă lơh, broă lơh jat poh, tàm ntrờn priă bơh ală rơndăp broă lơh ờ geh bơta pràn ai priă tus ală rơndăp broă lơh geh bơta pràn lam lơh niam, jơh nùs lơh ngan ờ lời ală kơnòl broă gam ờ tơl bơh nhai 10 tơrgùm tus nhai 12.