Sră nggal đơs loh, ală càr, ƀòn dờng kong hoàc huơr kơn jơ̆ bè Hà Tĩnh, Quảng Trị, Thừa Thiên Huế, Đà Nẵng, Quảng Ngãi, Gia Lai, Dăk Lăk, Khánh Hòa, Lâm Đồng,… pal bơt bơtàu broă rơndap lơh mùl màl, git nền khà hìu kờñ lơh pa, khà hìu kờñ lơh niam wơl, tơngai hơ pơrgon lam lơh mờ jàu loh làng kơnòl sồr lơh, jat sền. Jơnau yal pal pơyua jat tơngai pơrgon pah poh lài mờ 3 jơ mho ngai dơ̆ 6, gơ jat bal mờ jơnau yal tơnggit mùl màl bè tơngai lam lơh mờ khà hìu lơh gơs nàng drơng broă lơh tơrgùm, đơng lam pơgồp bal bơh ală ƀộ, gah broă lơh dê in. Ƀộ Bơt bơtàu geh jàu kơnòl gàr tơl phan lơh hìu, pleh bơta prap phan, tơnguh giă, Lùp sền Cíñ phủ sền sơ wì, jat sền nàng kơryan bơta ờ niam mờ pơhì pơhà.