Tơnơ̆ mờ tŭ anih tờm lơh sră pơ-àr gơnoar atbồ lơgar càr Gia Lai geh trờn tus Quy Nhơn, git nđờ rơhiang nă kwang bàng, kông cứk bơh Pleiku neh tìp uă kal ke tàm broă lòt rê mờ kơl jăp rài kis. Nàng dong kờl, Sờh Bơ̆t bơtàu càr Gia Lai neh pơlam mờ bơyai lơh ai geh ală rơndeh pơn diang jun rò kwang bàng bơh Pleiku lòt tus Quy Nhơn mờ sơlơ̆u wơl, sơn đờm bơh 3 jơ drim pah ngai.

Tŭ do geh di pơgăp 400 nă kwang bàng, kông cứk, cau lơh broă lòt gùng jòng rơlao 160 kơi sồ nàng tus anih lơh broă pa. Bè jŏ jòng, càr Gia Lai lơh pràn broă lơh jăt ală rơndăp broă lơh hìu ơm mpồl bơtiàn nàng dong kờl kơl jăp rài kis ai kwang bàng in. Kờp dŭ tus nam 2026, càr rơ̆p geh tai pơgoăp 5 rơbô nơm hìu ơm mpồl bơtiàn mờ 500 nơm hìu ơm cau lơh broă dà lơgar in. Do là broă lơh ngan bơh gơnoar atbồ lơgar nàng tơl niam lơh broă mờ ơm kis ai mpồl kwang bàng in, mờ ai geh bơta pràn bơtàu tơnguh kơ̆ kơl jăp tàm anih lơh broă sră pơ-àr gơnoar atbồ dà lơgar pa.