Phó Thủ tướng Duh broă sùm Cíñ phủ ồng Nguyễn Hòa Bình, Củ tịc Mpồl duh broă bơto pơlam toh sang glài jàm nam 2025 pa đơng lam pơrjum sền sơ wì sră nggal, mat cau ơm jàm tơl ală bơta dan toh sang glài jàm dơ̆ 2, di dơ̆ tơngkah kir sơnrai 80 nam Sơntờm Dà lơgar 2/09. Lơh jat Jơnau lơh nền bơh Củ tịc lơgar dê, tơngai pa do, ală mpồl sền sơwì ală gah neh lòt sền, sền sơwì rlau 10 rơbô sră nggal cau tìs bơh ală hìu jàm, hìu jàm ing tàm jơh gùt lơgar.

Broă sền sơwì gàr niam ngan, yal loh làng, song dơ pă, di mờ adat boh lam, geh bơta jat sền bơh ală mpồl bơtiàn mờ làng bol. Phó Thủ tướng đơs nền toh sang glài jàm là gùng dà broă lơh dờng, tơngŏ broă toh glài mờ cau gĭt gơ jrañ sang glài, dong kờl kòn bơnus bơh Đảng mờ Dà lơgar, nàng kờñ pơn jờng cau jàm jơh nùs lơh niam wơl, gờñ mut gơ rờm bal mờ mpồl bơtiàn. Tơnơ̆ tŭ lơh sir broă sền sơwì, Mpồl duh broă rơ̆p yal mờ Củ tịc lơgar in lơh nền, jat broă rơndăp lơh, ngai 29/08 yal Jơnau lơh nền mờ 1/09 rơ̆p bơyai lơh tơngklàs cau geh toh sang glài jàm tàm ală hìu jàm.