Tàm 5 nam do, ală broă pơrlòng “Quảng Ngãi tus bal bơ̆t bơtàu ƀòn lơgar pa”, “Tài cau rơƀah - Ờ lời cau lơi gơtìp sơrbì is tơnơ̆” neh dong kờl lơh niam wơl, lơh pa rơlao 9 rơbô nơm hìu, lơh gơs jơnau kờñ tơn jơh 100% khà hìu ing, cèng wơl rài kis hờm ram mờ kơl jăp ai làng bol in.

Đơs tàm dơ̆ đơng lam tàm pơrjum dờng, ồng U Huấn, Phó Ƀí thư Duh broă sùm Tỉñ ủy càr Quảng Ngãi sồr, tàm tơngai bơh nam 2025 tus 2030, ală broă pơrlòng pal geh tam gơl pa bè tơngu me, broă lơh, wèt bơta pràn tus ală ƀòn lơgar, tiah ngài, lơh pràn broă tam gơl pa bơceh lơh mờ tam gơl sồ, pơgồp bal nền nòn mờ jờng rơ di cau, di tŭ, ai càr gơs tiah bơtàu tơnguh pràn mờ đah gơguh lơh sa kwơ màng tiah tàm Gùt lơgar mờ Tây Nguyên dê.