VOV.K’Ho – Tàm uă tiah ƀòn lơgar Dăk Lăk, bulah rài kis neh tam gơl mờ uă bơnhă ga, bơnhă đèng. Mơya tàm uă hìu bơnhă, hìu ƀềp bơh yau kung gam bè ờs mờ nhŭ bơnhă ồs kung gam gơ par tŭ klo ngai, trồ mho, gàr huềng ƀòn niam bơnĕ, gàr hìu bơnhă ring lơngai, ram mhŭ.

VOV.K’Ho- Festival Dà lềng Khánh Hòa nam 2027 kờp dŭ tam gơl pa broă lơh bơyai lơh, jŏ jòng jơh 4 kàl tàm nam, ala tài tơrgùm tàm bàr pe ngai lơh uă tàm kàl rơlô bơkang bè lài do.

VOV.K’Ho - Mờ tơngume “Dà Làc - Bơta tàm bơrlŭ bal bơh bơkàu mờ gùng đơs crih dê”, Festival Bơkàu Dà Làc dơ̆ 11 nam 2026 kờp dŭ geh lơh uă bơh ngai 19 tus ngai 31/12.

VOV.K’Ho- Bơh ngai do, 20/10, Anih jơnau đơs Việt Nam pờ tơlik tơrlòng lài gah gùng đơs crih is ồn mìng dùl VOV Sonata FM89 gah gùng đơs crih, geh bơt bơtàu nàng lơh jat mùl màl Jơnau lơh nền tàm pơrjum sồ 80 Ƀộ Chính trị dê bè bơtàu tơnguh niam chài Việt Nam mờ pơlam gùng lơh li la phan pờ tơlik jơnau đơs Anih jơnau đơs Việt Nam dê.

VOV.K'Ho- Tàm gùl brê bơnơm Dơng K’Nơh, sàh Đam Rông 4, càr Lâm Đồng, săp ntas pềs blah tơrnàñ, săp ntas tơrnàñ gle sơkàr tàm tŭp tàm kơtèng kung gam klo sùm tềng bàr nơm mpàng tê ngăc chài ngan tơryăng tơryồng ngan bơh cau chài Rơ Ông Ha Bông dê. Bơh phan ngui nàng lơh rềp mềl ngan mờ brê bơnơm, cau chài lơh gơlik geh ală sơ̆ (sah, trộ) drơng lơh broă, ơm kis mờ sền gàr dùl broă lơh ờs mờng bơh yau đềt mềr mờ rài kis mpồl bơtiàn bơh uă rơnàng.

VOV.K'Ho- Gờm chờ tơngkah kir sơnrai 96 nam Ngai tơng gơs Mpồl Cau lơh broă sa Việt Nam, Mpồl Tam klăc Cau ùr Việt Nam mờ Ngai Cau ùr Việt Nam (20/10), càr Dăk Lăk bơyai lơh Măng chờ Ào kăp (àu tiang) mờ Phan soh jơi bơtiàn bal mờ tơngume “Rùp să Dăk Lăk – Tìp bal mờ lơh gơrề”.

VOV.K'Ho- Sùm tàm 7 nam do, tơnơ̆ jiơ bơsra, jiơ lơh mìr, ală ùr ơruh Bahnar, Jrai tàm càr Gia Lai lòt tus tai ƀlàng coh plai Đăk Đoa nàng tàp coh plai. Bơta kơ̆ nùs hơ̆ neh lam mpồl lơh geh khà dùl Dơ̆ pơrlòng coh plau ùr ală jơi bơtiàn Việt Nam 2026. Nhai 9 pa do, mpồl geh jàu ai Mpồl Coh plai Hoàng Anh Gia Lai in, wèt tus Dơ̆ pơrlòng coh plai jak ngan dà lơgar nam 2027.

VOV.K'Ho- Chính phủ lơh tơrlòng lài ờ duh pal geh sră lòt rê ai năc lơgar Lo in lòt nhơl jăt mpồl tus Khánh Hoà bơh ƀlàng rơndeh par ală lơgar Cam Ranh tus jơh nam 2027.

VOV.K'Ho- Tàm Ƀlàng dờng Đông Kinh Nghĩa Thục tàm càr lơgar Hà Nội, Ƀộ Niam chài, Tàp pràn să jan mờ Lòt nhơl bơyai lơh Dơ̆ lam lơh srơh “Tơl nă làng bol rơ wah êt ngan bơh 1 môn tàp pràn să jan dipal nàng tàp sùm”.

VOV.K’Ho – Bơh ală ding gle, ding sơkàr mờng kwèng brê bơnơm dê, cau chài jak ngan ồng A Bang, cau Sơdàng ơm tàm thôn Đăk Tô 3, sàh Đăk Tô, càr Quảng Ngãi neh mòn gơs ală bơta đờng goòng cèng sap ntas krơi is brê bơnơm Tây Nguyên dê. Bơta kuơmàng rlau, ồng ờ mìng sền gàr broă mòn đờng mờ gam mblàng wơl bơta gơboh mờ bơta chài đal git sap ntas ờs mờng ai rơnàng kơnòm să in.