Broă do geh lơh bơh ngai 01 tus ngai 24/11, tơrgùm yal tơnggit ală bơta kuơ niam chài pơn rơ krơi is bơh tiah dà lềng, tiah ring mờ kơh bơnơm dê, bơh hơ̆, lơh gơlik bơta tàm tìp, lơh kwèng, tơrbŏ bal kơ̆ kơljap đah ală mpồl bơtiàn làng bol ơm kis. Bơta tờm bơh Poh Niam chài dê rơp geh lơh bơh ngai 18 tus ngai 24/11, pơgồp bal mờ ròt ală dơ̆ tơngkah kir sơnrai: Ngai chờ Tam klac dờng jơh gùt jơi bơtiàn (18/11), Ngai phan lời wơl niam chài Việt Nam (23/11) mờ Ngai Niam chài Việt Nam (24/11).

Broă lơh sơn đờm mut lơh geh tơngume “Quảng Ngãi - Jơnau tàm bơrlŭ jơnau đơs crih tam klac dờng” rơp geh bơyai lơh mang ngai 18/11 tàm Anih tờm Pơrjum - Ràng tơlik càr, sơnah ƀòn Cẩm Thành. Bơta tờm bơh broă nam do dê là bơta gơ rề jrô ơnàng ngan bơh kâp hơ đơm. Jơh 96 sàh, sơnah ƀòn, tiah is ồn mờ 1 rbô 98 tiah làng bol ơm kis tàm càr ndrờm cih mat bơyai lơh Ngai chờ. Tàm tŭ hơ̆, tiah đah mat tơngai mut tàm sơnah ƀòn Kon Tum sùm bơyai lơh Pơrlòng cing mồng, tamya xoang mờ anih niam chài phan sa OCOP tàm ƀòn mang Đăk Bla.