Jăt jơnau yal bơh Bộ Niam chài, tàp pràn să jan mờ Lòt nhơl dê, kờp tus ngai 05/11/2026, gùt lơgar neh rơcang 406 broă lơh, broă lơh dờp bal Ngai Niam chài Việt Nam. Tàm hơ̆, gah niam chài, đơs crih tamya geh 282 broă lơh; tàp pràn să jan geh 36 broă lơh; ràng tơlik, ràng tơlik rùp geh 85 broă lơh.

Tàm tiah tàm gùl lơgar, ală broă lơh pơn jăt tai tơrgùm tàm broă yal phan lời wơl krơi is, pơgồp bal mờ đơs crih tamya mờ ờ uă broă lơh ndai. Càr Quảng Ngãi kờp dŭ geh sơn đờm Poh Tam klăc dờng ală jơi bơtiàn - Phan lời wơl niam chài tàm ngai 18 nhai 11; Pơrlòng phan lời wơl ờ di phan bơna geh bơyai lơh bơh ngai 20 tus ngai 23 nhai 11 tàm sơnah ƀòn Kon Tum, mờ ală broă lơh cing mồng, lơh chờ tàm gùng ƀòn mờ broă lơh ờs mờng.