Poh Niam chài Tam klac dờng gùt jơi bơtiàn càr Dăk Lăk nam do rơp geh bơyai lơh bơh ngai 17 tus ngai 24/11, tàm sơnah ƀòn Buôn Ma Thuột, sơnah ƀòn Tuy Hòa, sơnah ƀòn Ea Kao mờ bàr pe ƀòn lơgar. Tàm hơ̆, dơ̆ sơn đờm mut lơh kâp càr kờp dŭ bơyai lơh mang ngai 20/11 tàm Anih ơn prap phan kuơ càr Dăk Lăk mờ broă lơh đơs crih tamya pơgồp bal mờ cing mồng, yal yau, đơs pơnđik, tamya, ƀài chòi mờ ală phan niam chài dà lềng.

Tàm tơngai do, làng bol mờ nac lòt nhơl tàm càr Dăk Lăk gơtùi tus bal anih sền git phan lời wơl, Ngai chờ ồi kòn cau mờ ràng tơlik phan soh ờs mờng, Gùng phan lời wơl niam chài kơphe, poh lơma mờ ală broă lơh niam chài sền sră. Bal mờ hơ̆, Ngai chờ tam klac dờng gùt jơi bơtiàn kâp càr rơp geh bơyai lơh ngai 18/11 tàm sơnah ƀòn Ea Kao.