Festival geh bơyai lơh tàm sơnah ƀòn Pleiku, sàh Biểu Hồ mờ ờ uă tiah rềp bal tàm càr Gia Lai dê, hòi jà tơrgùm geh mờr 1 rơbô 500 nă cau chài. Sơn đờm lài ngan là mpồl broă lơh tàm sàh Biển Hồ bơh ngai 30 nhai 10 tus ngai 01 nhai 11, mờ dơ̆ sơn đờm geh lơh tàm ƀlàng hìu rông ƀòn Ia Gri. Drà ràng tơlik geh di pơgăp 30 hìu ràng tăc phan, yal phan sa, phan OCOP, phan sa krơi is ƀòn lơgar dê. Ngai 31 nhai 10, sàh Biển Hồ tơlik măt phan lòt nhơl mpồl bơtiàn ƀòn Ia Nueng mờ lơh geh wơl Lơh chờ mŭt hìu rông pa kòn cau Jrai dê tàm ƀòn Ia Gri. Bal mờ tŭ do, pơrlòng ntoăt “Gia Lai City Trail - Jơnau kơ̆p kờñ brê bơnơm dờng” tơrbŏ bal broă tàp pràn să jan mờ lòt sền ù tiah niam ƀòn lơgar dê.

Bơh ngai 06 tus ngai 08 nhai 11, ală broă lơh tơrgùm tàm sơnah ƀòn Pleiku, tàm hơ̆ geh lơh chờ tàm gùng, tìp bal niam chài ờs mờng, yal phan sa, phan geh lơh bơh suơn sre mờ kơphe Gia Lai dê. Broă lơh đơs crih tamya “Mang chờ cing mồng” geh bơyai lơh tàm mang ngai 07 nhai 11 tàm Ƀlàng dờng Đại Đoàn Kết, lơh geh wơl bơta niam chài pơgồp bal mờ rài kis mpồl bơtiàn, nàng cau năc in wă rơlao tai bè phan lời wơl bơh broă lơh, broă lơh mờ tê mờ rài kis mpồl bơtiàn. Di tàm dơ̆ do, càr Gia Lai bơyai lơh yal jơnau dờp phan kwơ dà lơgar gơwèt mờ cing mồng Kơ Đơ kòn cau Jrai dê. Bòr cing yau geh 8 pang, tŭ do geh prăp tàm Hìu prăp gàr phan kwơ yau Pleiku.