VOV.K'Ho- Tàm ƀlàng dờng Đại Đoàn Kết, sơnah ƀòn Pleiku, Anih duh broă Làng bol càr Gia lai pa bơyai lơh broă lơh đơs crih tamya kwơ màng “Brê bơnơm dờng ntas” jờng rơ bơta pràn tam klăc bal ală jơi bơtiàn dê.

VOV.K’Ho- Dơ̆ ơm rlô chờ dà lơgar 30/4 mờ 1/5 nam do, tàm tiah kơh bơnơm Măng Đen, càr Quảng Ngãi pơr gon gơ gơs tiah tus duh hồl tŭ dồ ròt broă lơh niam chài- lòt nhơl niam ngan geh bơyai lơh. Bơh ù tiah dơ̆ lơh chờ àng gơ crà, phan sa cèng bềng ù tiah brê bơnơm dờng ơning ơnàng tus nhơm trồ tiah lơngơm mrềt gùt nam, tiah kơh bơnơm Quảng Ngãi gam crăp rcang wă rò mpồl năc tus sền gĭt mờ ơm rlô.

VOV.K’Ho- Dơ̆ Duh kah Bơtau Hùng, dơ̆ ơm rlô chờ ngai 30/4 mờ kàl prang nam 2026, lòt nhơl Lâm Đồng ai tơlik uă phan bơna niam ngan tàm tơrbŏ bal brê mờ dà lềng. Bulah ƀlàng rơndeh par Liang Khàng til mpồng ing, càr kung gam ngăc ngar lơh pràn dơ̆ lòt nhơl gùng ù gờl, kơ̆p gơn wă mpồl năc uă ngan rlau jơh kơnờm bơta ƀuơn ù tiah li la dê.

VOV.K’Ho- Ală broă lơh yŭ rơyùm, dờng màng bơh làng bol Việt Nam tàm gùt lơgar mờ dunia dê wèt tus mờ mò pàng jơi bơtiàn, pơn rơ ngan là Dơ̆ Duh kah Bơtau Hùng geh bơyai lơh tàm càr Phú Thọ mờ tàm tiah Tây Nguyên.

VOV.K'Ho- Jơnau nrĭ mờng kwèng ngan: “Bulah cau lơi guh hờ tiah bơnơm, rê hờ tiah ring/ Kah tus ngai Duh kah Bơtau Hùng ngai 10 nhai 3”, ờ mìng là jơnau tơngkah bè dùl tŭ tơngai mờ gam là jơnau hòi tơrgùm ndu gơn rơh ngan bơh nùs nhơm jơi bơtiàn dê. Bơta pin dờn duh khoai Bơtau Hùng neh mờ gam gơ gơs là dang che tàm bơrkuăt bal kơ̆ ngan, lơh gơlik bơta tàm kơ̆ kơljap tàm tơrbŏ bal mpồl bơtiàn cau Việt Nam tàm làm gùt dunia.

VOV.K'Ho- Duh kah Bơtau Hùng- Bơtau sơnrờp dà lơgar he dê nam Ơseh 2026 là broă lơh cíñ trị - niam chài geh gơtha kwơmàng gơ wèt mờ jơh gùt lơgar, is ồn là tơnơ̆ tơmŭt bal mpồl lơh broă sră pơ àr gơnoar ătbồ mờ lam lơh broă lơh gơnoar ătbồ ƀòn lơgar 2 kâp. Tàm ală ngai do, bal mờ jơh gùt lơgar, tàm Tây Nguyên geh lơh uă broă lơh niam chài duh hồl, tơnggŏ nùs nhơm tam klăc, jơh nùs lơh ngan bơ̆t bơtàu ƀòn tờm dà lơgar tờm pas pràn.

VOV.K'Ho- Tàm 2 ngai lồi poh do (25 mờ 26 nhai 4) tàm càr Gia Lai geh bơyai lơh uă broă lơh niam chài krơi is ngan. Hơ̆ là Ngai chờ Niam chài ală jơi bơtiàn càr Gia lai dơ̆ sơnrờp geh bơyai lơh tàm Ƀlàng dờng Đại Đoàn Kết, sơnah ƀòn Pleiku. Bal mờ tŭ hơ̆, tàm Tiah tềl kah yau rài lài do, niam chài dà lơgar Plei Ơi, sàh Chư A Thai geh bơyai lơh Yàng răc dan bơh Yàng Bơtao Apui dê. Do ờ mìng là broă lơh niam chài, lòt nhơl bè ờs mờ gam cèng geh uă bơta kwơ nền nòn ngan bè bơta niam chài krơi is, mpồl bơtiàn mờ bơtàu tơnguh kơl jăp.

VOV.K’Ho- Tàm Anih prap ơn dunia kơphe, càr Dăk Lăk pơgồp bal mờ Cơldŭ lơh broă UNESCO tàm lơgar Việt Nam mờ ală mpồl lơh broă bal bơyai lơh Anih cribơyai Phan lời wơl kơphe dunia mờ tơngume “Bơh ală bơhiàn ờs mờng li la tus phan lời wơl kis bal bơh kòn bơnus gùt dunia dê”.

VOV.K’Ho- Gờm chờ Ngai Sră mờ Niam chài sền sră Việt Nam (21/4), Ngai Sră mờ Gơnoar cau cih sră dunia (23/4), Mpồl niam chài cih sră đơs crih tamya càr Dăk Lăk pơgồp bal mờ Anih duh broă Làng bol sơnah ƀòn Phú Yên, Anin prap ơn càr Dăk Lăk, Hìu sền sră càr mờ Hìu bơsram kâp 2 Trần Hưng Đạo bơyai lơh broă lơh Ngai Sră mờ Niam chài sền sră nam 2026 mờ tơngume “Sră mờ bơta kơp kơnờm sơrlèt rơya dà”.

VOV.K'Ho- Tàm sơnah ƀòn Buôn Ma Thuột, kwang đơng lam Anih duh broă Làng bol càr Dăk Lăk neh wă mờ lơh broă mờ mpồl lơh broă bơh UNESCO mờ FAO geh ồng Jonathan Wallace Baker, Lam bồ ala măt UNESCO tàm lơgar Việt Nam mờ ồng Vinod Ahuja, Lam bồ Ala măt mpồl FAO tàm lơgar Việt Nam lam bồ, di tàm dơ̆ tus Pơrjum Phan lời wơl Kơphe Dunia geh bơyai lơh tàm càr Dăk Lăk.