VOV.K'Ho- Tàm Ƀlàng dờng Nguyễn Tất Thành (sơnah ƀòn Quy Nhơn), càr Gia Lai sơn đờm Lơh chờ Lòt nhơl kàl duh 2026 mờ tơngu me “Gia Lai chờ gờm kàl rơlô bơkang 2026”.

VOV.K'Ho- Tàm bơta mpồl cau chài ngai sơlơ dờng sơnam, broă bơto phan lời wơl tàm mpồl bơtiàn gam ntào tềng đăp mờ uă bơta lòng, Jơnau lơh nền tàm pơrjum sồ 03 bơh Mpồl duh broă Làng bol càr Dăk Lăk dê bè dong kờl sền gàr ngui phan lời wơl niam chài cing mồng tơngai bơh nam 2026 tus 2030 geh kơ̆p gơn ai geh tai bơta pràn tàm broă prăp gàr mờ ngui ală bơta kwơ niam chài ờs mờng.

VOV.K’Ho- Rlau 30 nam do, bal mờ làng bol ală jơi bơtiàn Tây Nguyên, ală cau lơh broă pờ tơlik jơnau đơs jơi bơtiàn bơh Anih jơnau đơs Việt Nam dê neh ngềt ngơ̆t pơgồp bơnah sền gàr, lơh uă mờ lơh gơrề uă dà đơs mè deh dê tus mờ ƀòn lơgar. Di dơ̆ tơngkah kir sơnrai 101 nam Ngai Sră ƀăo kăc màng Việt Nam, jơnau “Bơta niam chài rơgơi ală jơi bơtiàn Tây Nguyên” ngai do, jà làng bol mờ ală bơyô jòi gĭt bal jơnau “Sền gàr dà đơs là bơhiàn niam bơnĕ niam chài bơh cau Tây Nguyên dê”.

VOV.K'Ho- Ờ mìng pơgồp bal tàm broă lơh pa gùng đơs crih jơi bơtiàn, prăp gàr bơta niam chài Việt Nam dê, dùl broă lơh đơs crih tamya geh rơlao 30 bơta phan uh teh ờs mờng, pơgồp bal mờ măi mok săp đơs 3D pa gam gơs bơta tơngŏ pa bơh lòt nhơl mang ƀòn dờng Hồ Chí Minh dê. Broă pơgồp bal đah gùng đơs crih, măi mok mờ phan sa pe tiah neh hòi jà gal làng bol mờ cau năc tus bơh ală lơgar jòi sền pah tŭ trồ mang.

VOV.K'Ho- Mho ngai 16/6, Anih duh broă Làng bol càr Dăk Lăk lơh broă mờ Sờh Niam chài, Tàp pràn să jan mờ Lòt nhơl bal mờ ală mpồl lơh broă gơrềng bal neh iăt yal jơnau rơcăng cih Ală jơnau neh lơh nền bơtàu tơngguh lòt nhơl càr Dăk Lăk tơngai bơh nam 2026- 2030, wèt sền tus nam 2050.

VOV.K’Ho- Anih duh broă Làng bol càr Lâm Đồng pa ai lơh jat broă rơndap lơh bơyai lơh Festival Bơkào Dà Làc dơ̆ XI - nam 2026 mờ tơngume “Dà Làc - Bơta bơrlŭ bal bơh bơkàu mờ gùng đơs crih” geh 11 broă lơh tờm mờ 25 broă lơh lơh jat.

VOV.K'Ho- Tàm jơnau tàm pơn jăt rài kis tam gơl pa ngai tiah ƀòn lơgar, kung gam geh sơl ală cau ngềt ngơ̆t prăp gàr hwềng nùs niam chài jơi bơtiàn dê bơh nùs gơboh mờ bơta kơ̆ nùs sùm. Gơ wèt mờ cau chài K’Brèm (ơm tàm sàh Bảo Lâm 1, càr Lâm Đồng), jơnau pơnđik K’Ho, jơnau pơnđik Mạ ờ mìng là jơnau đơs chờ, jơnau đơs crih lơm, bơta tàm njăt săp ntas cing mờ gam là jơnau kah wơl, hwềng nùs mờ bơhiàn niam chài niam bơnĕ is bơh mpồl bơtiàn he dê tai.

VOV.K'Ho- Tàm bơta àng bơh bơnhă ồs tềng mpang hìu jòng kòn cau Rơđê dê, ală jơnau đơs mpong săp ờ mìng yal bè ală cau khin cha jăk chài rài lài do mờ gam pờ geh dùl anih prăp gàr rài lài do, niam chài mờ rài kis nùs nhơm bơh ală jơi bơtiàn tàm Tây Nguyên dê. Neh rơlao uă rơnàng, jơnau yal yau kung gam là che brài tơrbŏ mpồl bơtiàn mờ rài lài do dê, prăp gàr jơnau kah yau mpồl cau bal mờ ală bơta kwơ niam chài kòn bơnus dê. Phan lời wơl do gam geh gah lơh broă geh gơnoar lơh ngan prăp gàr mờ ngui nàng lơh niam rơlao tai rùp să rài kis tàm Tây Nguyên dê.

VOV.K'Ho- Đơs tus ƀòn Bàu Trúc tàm sàh Ninh Phước, càr Khánh Hoà cau sùm đơs tus broă lơh ù buh, ờ huan ngan geh cau gĭt geh tàm do gam 1 hìu bơnhă kung gam ngềt ngơ̆t prăp gàr broă lơh yau bơh cau Prum dê, hơ̆ là broă lơh trah mòn rùp màh. Do mờr bè là tiah mìng dùl lơm lơh gơlik ală phan trah mòn rùp niam bơnĕ ngan ngui tàm ală broă lơh yàng bơh cau Prum dê.

VOV.K’Ho- Tàm gùl brê dờng Trường Sơn ơning ơnàng, tiah ală ƀòn lơgar cau Pa Cô tơrgùm wơl kềng gah jơng bơnơm mờ hiòng dà croh, kung gam prap gàr dùl bơhiàn lơh Yàng is ồn cèng bềng tềl lời wơl bơh adat bơhiàn yau mờ nùs nhơm mpồl bơtiàn dê. Hơ̆ là dơ̆ lơh Yàng A Riêu Âr Pục, dùl bơhiàn lơh Yàng bơh yau niam ngan geh pơn yơu bè “dar cah rơña” nàng bơsong ală bơta tam lah tam ring tàm mpồl bơtiàn bơh cau Pa Cô dê bơh gĭt nđờ rài do.