Do là dùl tàm ală broă lơh tàp pràn să jan pơnrơ ngan lơh jăt Nam Lòt nhơl Dà lơgar – Gia Lai 2026. Dơ̆ pơrlòng coh plai ƀlàng dà lềng Jak ngan Dà lơgar nam 2026 geh lơh bơh ngai 23/7 tus ngai 1/8 tàm ƀlàng dà lềng sơnah ƀòn Quy Nhơn, hòi tơrgùm rlau 230 nă cau coh plai bơh 8 mpồl coh plai ƀlàng dà lềng geh cồng nha jơnhoa tàm jơh gùt lơgar.

Ală mpồl tam pà gơs 2 gah, tơl gah 4 mpồl, tàm pơrlòng dar wil dồ dơ̆ kờp điềm. Bàr mpồl geh cồng nha niam ngan tơl gah rơ̆p ai geh gơnoar mŭt tàm dar coh 4 mpồl, tơnơ̆ hơ̆ dar coh dŭt ndơl nàng gĭt nền cau jak ngan. Bơta pơgồp măt bal bơh ală mpồl coh plai tus bơh uă ƀòn lơgar tàm jơh gùt lơgar dê pà gŏ srơh coh plai ƀlàng dà lềng gam ngai sơlơ bơtàu tơngguh làm uă, mơkung hơ pơrgon cèng tus dùl kàl tàm pơrlòng niam ngan bal mờ uă dơ̆ tàm pơrlòng lơh gơkờñ ngan cau.