Do là broă lơh dờng nàng kờñ jờng rơ gah phan lơh geh bơh broă lơh sa suơn sre tờm, mơkung yal tơngĭt uă mat kă bro, niam chài mờ rùp hin ƀòn lơgar. Ồng Đào Mỹ, Phó Chủ tịch Anih duh broă Làng bol càr Dăk Lăk pà gĭt, dơ̆ lơh chờ là anih cribơyai kwơ màng tàm tơrbŏ bal gơnoar atbồ, cau tam phan, mpồl lơh sa kă bro mờ ală cau lơh broă bal tàm lơgar mờ bơdìh lơgar. Bơh hơ̆, broă lơh sơlơ tơnguh tai pờ ơnàng drà kă bro phan mờ lơgar ndai mờ gơ hòi gơ jà bơcri priă tàm càr.

Jat Mpồl rơndăp broă, dơ̆ lơh chờ geh 17 broă lơh pơn rơ ngan, bè: drà ràng tơlik phan bơna OCOP, anih cribơyai tàm tơrbŏ bal tăc bro phan, dơ̆ lơh chờ phan sa, broă lơh livestream tăc phan mờ ală dơ̆ lòt nhơl sền gĭt tiah tam. Bơta pa bơh dơ̆ lơh chờ nam do dê là sơlơ tơnguh tai tàm tơrbŏ bal đah lòt nhơl broă lơh sa suơn sre mờ niam chài ù tiah Tây Nguyên dê, hơpơr gon lơh geh nùs nhơm duh hồl mờ cèng tus uă sền gĭt gơ kờñ ai năc lòt nhơl in.