Broă lơh jờng rơ ki ngàm bơta tă pơgồp dà kơlhề, bơta phi să bơh ală cau khin cha jak chài chơ̆t màng, Mẹ Việt Nam khin cha jak chài, cau ling sồt să, cau ling kòp tê jê să, cau pròc mhàm cau chơ̆t màng, cau ling yau dê; mơkung lơh gơrề rùp să ală kwang bàng, cau ling, mpồl cau geh gơnoar gam ngai măng lơh jăt kơnòl broă lòt jòi, rờ tơrgùm, đal gĭt nền muh măt ƀồc ntìng cau chơ̆t màng.

Broă lơh lơh gơrề pràn kơldang nùs gĭt ưn ngài, là jơnau kah rơngal wơl jơh nùs ki ngàm bơh rơnàng ngai do dê gơ wèt mờ ală cau khin cha jak chài chơ̆t màng- ală cau neh ơn pơdơng sơnam kơnòm să, ntìng mhàm tài lơngăp lơngai is, khăt gơboh is bơh Dà lơgar tờm dê, tài rài kis lơngăp lơngai, gơboh gơbài làng bol dê; là dồ nơm ñàng ơn pơdơng ală cau khin cha chơ̆t màng in; bơta tam pà bal mờ ală Cau Mè Việt Nam khin cha jak chài, cau pròc mhàm cau chơ̆t màng dê; mơkung đơs nền jơh nùs lơh ngan Đảng, Dà lơgar dê tàm lơh jăt jơnau pal jăt “Kah tơm wơl dà kơlhề ală ală cau neh phi să tài lơngăp lơngai is, khăt gơboh is bơh Dà lơgar tờm dê”.