Mang ngai 28/7, tàm sơnah ƀòn Quy Nhơn, càr Gia Lai, Sờh Niam chài, Tàp pràn să jan mờ Lòt nhơl càr Gia Lai pơgồp bal mờ Kụk Tàp pràn să jan Việt Nam mờ Ală mpồl Bơta chài vòh bơhiàn yau Việt Nam sơnđờm Dơ̆ pơrlòng jak ngan ală Mpồl Vòh bơhiàn yau dà lơgar dơ̆ XV nam 2026. Dơ̆ pơrlòng hòi tơrgùm geh 33 mpồl mờ rlau 900 nă cau ala măt, cau pơlam tàp, cau tàp pràn să jan tàm pơrlòng jak tàm 2 tơngume quyền thuật mờ bàr nă cau tàm pơrlòng tơn.

Do là broă lơh kwơmàng dong ală cau tàp pràn să jan tìp măt lơh kwèng, tơngguh uă broă lơh ờs mờng, mơkung sơlơ tàm tơrbŏ tai đah ală ƀòn lơgar tàm broă prăp gàr, ngui niam bơta kwơ vòh bơhiàn yau. Mpồl bơyai lơh đơs sùm vòh bơhiàn yau phan lời wơl niam chài niam bơnĕ is ngan tơrgùm bơta niam ngan nùs nhơm khin cha jak chài mờ nùs gơboh lơgar bơh jơi bơtiàn dê. Broă lơh kung pơgồp bơnah lơh gơrề bơta kwơ bơta chài vòh Việt Nam dê tàm bơta lơgar he gam pơyua UNESCO sră nggal dan  dờp “Vòh bơhiàn yau Bình Định” là Phan lời wơl niam chài ờ di phan bơna bơh kòn bơnus gùt plai ù dê.