VOV.K'Ho- Tàm 3 nhai bồ nam 2026, càr Gia Lai neh wă rơlao 4 tơlăk 200 rơbô dơ̆ năc lòt nhơl, gơguh 14% pơn drờm mờ tŭ do nam 2025.

VOV.K’Ho – Bơh bơta kờñ bơceh lơh mờ bơta kơp kờñ sền gàr bơta niam chài jơi bơtiàn, bi H’Loang Mlô, kòn cau Rơđê ơm tàm sơnah ƀòn Buôn Ma Thuột, càr Dăk Lăk neh rơ wah đềt mềr mờ broă tàñ ồi kòn cau bè dùl gùng nàng sơn đờm mut lơh broă mờ tă pơgồp. Ờ mìng tơmut huềng pa tàm ală blah ồi ờs mờng mờ ală bơta bơceh pa ngan, bi gam rơhời lơh geh broă lơh kơ̆ kơljap ai uă cau ùr tàm ƀòn in.

VOV.K'Ho- Tàm gùng lòt jòi gŏ tiah dà lềng đah măt tơngai Lik Dăk Lăk, Bồt Yến là dùl anih tus gơhòi gơ jà ngan tài bơh ală bơta niam bơnĕ is mìng gơ geh lơm. Bơnơm ơm tềng hơđăng dà lềng mờ gơtùi lòt jơng tus jơng bơnơm tàm kàl dà soăt. Tềng hơđăng Bồt Yến geh ală chi che rơ̆ ru ngan; tềng tiah dà lềng glòm gùt dar geh ală phan kis tàm dà li la ngan, ñhơ̆t dà lềng bềng rùp să. Ờ mìng niam bè ù tiah ƀòn lơgar lơm, Bồt Yến gam gơhòi gơ jà tài bơh broă lơh lòt nhơl rềp mềl bơh làng bol tiah do dê.

VOV.K’Ho- Tàm tơngume ràng tơlik rùp niam Rùp să ală jơi bơtiàn Việt Nam, tàm Ƀlàng dờng 10/3, sơnah ƀòn Buôn Ma Thuột, càr Dăk Lăk geh bơyai lơh pơrjum bơyai mờ tơngume Bơta gơ kờñ bơceh lơh bè bơhiàn niam chài is ală jơi bơtiàn Việt Nam. Broă lơh gơ hòi gơ jà bơta tus bal bơh uă cau chài cùp rùp bal mờ gal ngan làng bol kờñ cùp rùp.

VOV.K'Ho- Lơh yàng Kareh – Katal là dùl tàm ală broă lơh yàng tàm rài kis kung gam geh mpồl bơtiàn kòn cau Prum jăt yàng Isslam Bà Ni tàm càr Khánh Hoà mờ càr Lâm Đồng prăp gàr sùm. Broă lơh yàng do ờ mìng yal tus mò ồng lài do in git tàm jơi nòi neh geh tai cau dờng pràn, mờ kung mùl màl gơs dùl nă cau jăt yàng sơl.

VOV.K'Ho- ăt Phó Kwang lam bồ dờng Anih jơnau đơs Việt Nam ồng Phạm Mạnh Hùng yal, bơta tờm bơh Pơrlòng nam do là dơ̆ sơnrờp bơyai lơh pơrjum cri bơyai ală lơgar bè podcast, tơrgùm 35 nă cau jăk mờ uă mpồl cau jăk tus bơh ală lơgar.

VOV.K’Ho – Tàm ù tiah brê bơnơm dờng ơning ơnàng Tây Nguyên, tàm tiah nhàr lơgar sàh Quảng Trực, càr Lâm Đồng, bulah gam uă kal ke, sap cing bơh làng bol kòn cau M’nông dê kung gam mpong ntas pah mang lồi poh. Cing mồng tiah do gam gơ gơs là rbàng tơrbŏ mpồl bơtiàn, pơgồp bơnah sền gàr bơta niam chài mờ lơh gơ rề nùs nhơm tam klac bal tàm ală broă kuơmàng bơh ƀòn lơgar mờ dà lơgar dê.

VOV.K'Ho- Dùl tàm ală broă lơh niam bơnĕ, geh gal cau năc mờ làng bol tàm càr sền gròi ngan tàm Poh Sơn đờm Nam Lòt nhơl Dà lơgar 2026 tàm càr Gia Lai dê là “Ngai chờ Phan sa”. Geh di pơgăp 50 hìu ràng tăc phan, tàm hơ̆ geh 28 hìu tăc phan sa, mờ broă tus bal bơh uă cau chài trŭ sa dê. Ngai chờ gam pơgồp bal tàm broă yal, jờng rơ bơta kwơ phan sa ờs mờng ală jơi bơtiàn tiah Tây Nguyên dê.

VOV.K’Ho- Ală nam pa do, ală hìu bơsram tàm tiah Tây Nguyên neh bơyai lơh broă lơh sền gĭt ai kơnòm bơsram in jòi gĭt bè niam chài ờs mờng bơh yau bơh ală jơi bơtiàn dê. Hìu jòng, rùp bơka ồi kòn cau, cing mồng Tây Nguyên... ală bơta kwơ niam chài ờs mờng bơh yau neh cơnđoà lik bơh pang sră nàng gơ gơs ală broă lơh, rùp mòn lơh mờ bơnah pơrlòng duh hồl tàm ală dơ̆ bơsram bơdìh.

VOV.K'Ho- Làng bol kòn cau Mông tàm sàh Tân Hợp, càr Lào Cai sùm prăp tàm nùs gàr brê là “gơboh gơbài”. Pah nam, broă lơh jăt broă lơh yàng kah ưn ngài yàng brê, răc dan mìu niam càl niam, sền gàr làng bol ƀòn lơgar, là broă làng bol tơnggŏ gĭt wă sền gàr tiah ơm kis mờ bơta tàm bơrkuăt mpồl bơtiàn jrô ơnàng ngan. Lơh yàng duh khuai brê bơh cau Mông dê gam geh jơnau gơtha niam chài kòn bơnus jrô ơnàng ngan, wèt tus jơnau kờñ càr Lào Cai dê gam lơh ngan lơh jăt tơngguh uă “Sơñio khà gơboh gơbài” bơh làng bol dê, ai kòn bơnus lơh tờm, sền do là gai was bơta bơtàu tơngguh kơnhăp jŏ bơh ƀòn lơgar dê.