VOV.K’Ho- Ală ngai lồi nam Bơs, jơh gùt ală ƀòn lơgar tiah kơh bơnơm tàm sèng bơnơm Trường Sơn làng bol kòn cau Pa Cô den hô hơng wơl bơyai lơh Dơ̆ lơh Yàng duh khoai Yàng Dà- dùl bơhiàn dơ̆ lơh Yàng pin dờn jat Yàng bơh yau jŏ rài, cèng bềng bơhiàn niam chài is ờs mờng bơh yau. Lòt gan gĭt nđờ rơhiang nam lơh geh mờ prap lời wơl, dơ̆ lơh Yàng ờ mìng yal rài kis đah hwềng li la bơh kòn cau Pa Cô dê lơm mờ gam pơgồp bơnah tam klăc mpồl bơtiàn, sền gàr ală bơta kwơ niam chài krơi is đah brê bơnơm dờng ơning ơnàng Trường Sơn dê.

VOV.K'Ho- Drim òr (11/02), tàm Tiah tềl kah yau rài lài do dà lơgar dê Đình Lạc Giao, sơnah ƀòn Buôn Ma Thuột, càr Dăk Lăk, Hìu prăp gàr phan kwơ yau càr Dăk Lăk bơyai lơh broă lơh chờ gờm Nam pa nam Ơseh 2026, hòi jà gal làng bol bal mờ cau năc tus bal.

VOV.K’Ho- Tàm Ƀlàng dờng Nguyễn Tất Thành (sơnah ƀòn Quy Nhơn), càr Gia Lai neh bơyai lơh dơ̆ sơnđờm ai ngui mpồl rùp Sơnam pa nam Ơseh 2026, drơng broă làng bol chờ hờp sơnam pa, wă rò sa tềp mờ gơ hòi gơ jà năc lòt nhơl.

VOV.K’Ho – Tàm rài kis pa tŭ do gam gơ rề tus ală thôn ƀòn tiah ngài, kung gam geh ală cau ngềt ngơt, kơ̆ dơn gàr sap cing, sền gàr huềng jơnau pơnđik kòn cau Sơdàng mờ jơh bơta kờñ gơboh bal mờ kơnòl. Tàm thôn Đăk Giá 1, sàh Dục Nông, càr Quảng Ngãi, sap cing mồng, gùng tamya xoang mờ ală gùng đơs pơnđik kung gam geh tàm pơ dờn wơl bơh git nđờ rơnàng bơh ală cau chài đềt mềr jơh rài kis mờ niam chài ờs mờng bơh yau.

VOV.K'Ho- Jat gùng dà pơlam pa, Dơ̆ lơh chờ Sầu riêng càr Dăk Lăk rơ̆p geh bơyai lơh jat broă lơh dờng kấp càr, pah dơ̆ 2 nam dùl dơ̆.

VOV.K’Ho- Ngai do (02/02), Drà nam pa dơ̆ 1 nam 2026 ngan ngồn sơn đờm mut lơh tàm Anih tờm ràng tơlik Việt Nam tàm Đông Anh, ƀòn dờng Hà Nội mờ tơngume “Tàm tơrbŏ bal bơtàu tơnguh – wă rò nam pa gơ klŏ gơ crà.

VOV.K'Ho- Tàm Hìu rơndeh ồs ơm Dà Làc, Anih duh broă Làng bol sơnah ƀòn Xuân Hương Dà Làc pơgồp bal mờ ală anih lơh broă gơrềng bal càr Lâm Đồng bơyai lơh dơ̆ tơn jơh Lơh chờ bơkào mai anh đào Dà Làc nam pa 2026, tơn jơh rơlao bàr poh geh bơyai lơh mờ uă broă lơh niam chài, đơs crih tamya mờ lơh broă lòt nhơl krơi is.

VOV.K’Ho- Tơl jơi bơtiàn ndrờm geh ală phan sa barah barài mơya cèng prap tàm hơ̆ jơh dùl ù tiah niam chài mờ rài kis gĭt nđờ rài dê. Gơwèt mờ kòn cau Bahnar tàm Tây Nguyên, biăp pài tờr yòng là dùl phan sa bè hơ̆- barah barài, ƀuơn gơm, rềp mềr mờ rài kis pah ngai dê.

VOV.K’Ho – Tơnơ̆ tŭ kòn se pa deh geh sơnđan mat, tàm pơgap bơh 1 tus 3 nhai, hìu bơnhă ală jơi bơtiàn tiah Tây Nguyên rơp bơyai lơh yàng khồm tồr oh dềt in. Do là bơhiàn lơh yàng nàng kờñ pơyua bơta kơp kờn tus brah yàng, mò màng sền gàr, dong oh dềt pràn kơldang mờ dờng pràn.

VOV.K'Ho- Bulah cih gŏ khà gơguh uă ngan bè khà năc mờ priă geh bơh kă bro tàm nam 2025, lòt nhơl càr Quảng Ngãi kung mpờl gŏ uă bơta gơkòl bè phan bơna bơ̆t bơtàu, rơndăp ù tiah mờ bơta niam drơng broă sa priă. Broă ờ tơl anih ơm bĭc pas mơda, bơta lơh broă jăt nhai kàl gam mpờl gŏ loh ngan mờ priă bơcri ờ huan uă gam gơ tơlik jơnau sồr jal mhar pal geh ală broă lơh bơsong tờm, ndrờm bal, nàng kờñ ai lòt nhơl bơtàu tơngguh kơnhăp jŏ, ndrờm pal mờ bơta pràn mờ bơta ƀươn neh geh lài.