VOV.K'Ho- Tàm pơn jăt rài kis pa, tŭ geh uă bơta kwơ niam chài ờs mờng gam ơm tềng đăp mờ bơta di gơlan gơtìp hŭi roh, càr Gia Lai gam lơh sùm broă prăp gàr mờ lơh geh wơl ală broă lơh yàng ờs mờng làng bol ală jơi bơtiàn ờ gal cau dê. Bơh broă lơh yàng duh khoai kàl lơh kòi, lơh yàng răc dan kờñ geh mìu Yàng Bơtau Apui tus mờ ală broă lơh ñô sa chờ pơgồp bal mờ pin dờn, ală broă lơh yàng ndu gơnrơh hơ̆ gam geh “lơh geh wơl”, gơs bơta tờm ròng siam sùm bơta niam chài jơi bơtiàn ờ gal cau ƀòn lơgar dê tàm rài kis pa.

VOV.K'Ho- Ngai 18/12, tàm càr Lạng Sơn, Mpồl lơh broă Sờh Niam chài, Tàp pràn să jan mờ Lòt nhơl càr Dăk Lăk lơh broă mờ Sờh Niam chài, Tàp pràn să jan mờ Lòt nhơl càr Lạng Sơn nàng kờñ tàm lùp mờng chài tàm broă lơh ătbồ dà lơgar mờ bơtàu tơngguh lòt nhơl mpồl bơtiàn jăt gùng kơnhăp jŏ.

VOV.K'Ho- Tàm broă bơtàu tơnguh mờ tam gơl sồ gam ngai sơlơ geh uă tus ală ƀòn tiah kơh bơnơm, ală bơta kwơ niam chài rài yau làng bol kis tàm Tây Nguyên dê ờ gơtìp rŭc hờ tơnơ̆. Sơlơ̆u wơl, kơnờm mờ broă bơh ceh lơh bal mờ jơh nùs bơh ală cau kơnòm să jơi bơtiàn ờ gal cau dê, ală săp dròng cing mồng, broă lơh mờ tê ờs mờng ha là ală rài kis bè ờs gam geh “pơrlai” jăt dùl broă lơh pa ngan – lơh geh uă tàm ală pang internet, tus mờ uă cau tàm mpồl bơtiàn.

VOV.K'Ho - Tàm ù tiah brê bơnơm dờng ơning ơnàng, làng bol tàm ală ƀòn Tây Nguyên neh git ngui ală phan bơkah bơh ù tiah geh is brê bơnơm dê nàng trŭ gơm gơs ală phan sa bơkah. Dùl tàm ală phan sa bơkah is ồn ngan là ală bơta biap gơm bơh plai nuk năk – dùl bơta plai gơ bơtang dồ êt, tơnơ̆ sa den gơ lơngồt.

VOV.K'Ho- Tàm pơn jăt tai kis tŭ do, tàm uă ƀòn càr Dăk Lăk dê, săp dròng cing kung gam geh prăp gàr mờ cèng geh nhơm tă rài pa dê. Bơta niam chài cing mồng gam geh tơrbŏ tai bơh ală cau kơnòm să, cau chài bal mờ ală mpồl dròng cing tàm ală ƀòn, pơgồp bal tàm broă gàr bơta niam chài krơi is, tơnguh broă tìp bal niam chài mờ bơ̆t bơtàu rùp rài càr Dăk Lăk đềt mềr, geh uă bơta niam tàm broă tơrgùm bal.

VOV.K’Ho- Mờ bơta pin dờn ală phan ndrờm geh hwềng lơm, lài mờ pah dơ̆ tus kàl sih tam phan, kòn cau Jrai tàm càr Gia Lai ndrờm bơyai lơh dơ̆ lơh duh khoai sih tam kòi nàng dan mờ Yàng in sền gàr dong kờl, ai bơta mìu càl niam, kàl tam phan hòn gơs niam, rài kis hờm ram mờ lơngăp lơngai. Bulah bơta chài tam phan tŭ do neh krơi, mơya bơhiàn lơh Yàng duh khoai kàl sih tam kòi kung gam geh sền gàr tàm uă tiah bè dùl bơta niam chài, tơngŏ nùs nhơm gĭt ưn ngài mờ ù tiah trồ tiah mờ tơngkah kòn bơnus kis bơnĕ bơnài bal mờ brê bơnơm.

VOV.K'Ho- Tàm drà bơnơm Pleiku, càr Gia Lai, ală ƀòn Jrai dềt rơhền, lơngăp lơngai gam ngai pah ngai tam gơl să pràn kơldang. Pơnrơ bè ƀòn Ơp, ƀòn Ia Nueng, ờ mìng cèng uă bơhiàn niam chài krơi is Tây Nguyên dê lơm mờ gam là anih àng tàm bơtàu tơngguh lòt nhơl mpồl bơtiàn gơ jăt bal mờ prăp gàr bơhiàn niam chài krơi is jơi bơtiàn, lơh gơlik geh broă lơh broă sa kơnhăp jŏ ai làng bol in.

VOV.K'Ho- Tàm ù tiah niam chài cing mồng Tây Nguyên- Phan lời wơl niam chài ờ di phan bơna bơh jơi bơtiàn kòn bơnus làm bă tiah, ală hìu ơm jòng kòn cau Rơđê bè là dùl bơnah hwềng bơh ƀòn lơgar dê. Ờ mìng là tiah ơm bơh hìu bơnhă dờng dê lơm, hìu jòng gam là pơrya cèng bềng tềl lời wơl jat jơi đah mè dê. Tàm hơ̆, bơh nam nhai, kung gam ơn prăp săp ntas cing, jơnau đơs, jơnau yal yau mờ ală bơta kwơ kơ̆ jrô bơh niam chài kòn cau Rơđê dê. Tàm kàl “sa nam bam nhai” tàm Tây Nguyên, tŭ hìu ơm jòng neh lơh sir kơ̆ kơnhăp, kòn cau Rơđê tàm càr Dăk Lăk lơh dơ̆ lơh Yàng duh khoai chờ hờp mut ơm hìu niam chài mpồl bơtiàn pa geh lơh.

VOV.K'Ho - Kòn cau K’ Ho tàm tiah đah jum Tây Nguyên geh bơta niam chài krơi is ngan, tàm hơ̆ geh ală jơnau đơs pơn đik bè đơs reng, đơs loong, đơs tòng bơr, đơs tam pơ̆t, đơs tam pla… sùm geh tàm ală dơ̆ bơyai lơh ñô sa chờ. Bal mờ săp dròng cing, tamya, tàm ală dơ̆ ñô sa chờ, kòn cau K’ Ho geh đơs ală jơnau đơs pơn đik.

VOV.K'Ho- Nhai 7 nam 2020, Mpồl Bơto bơtê, Jak chài mờ Niam chài Liên hợp quôk (UNESSCO) neh dờp Sươn bal phan dơlam ù Dăk Nông là Sươn bal phan dơlam ù gùt plai ù. Bơdìh mờ bơta kwơ pơn rơ ngan bè phan dơlam ù rùp să ù tiah dê, jòi gĭt phan yau, li la phan kis, tiah do gam ơn prăp phan lời wơl niam chài pơnrơ ngan bơh mpồl bơtiàn ală jơi bơtiàn ơm kis tàm tiah dơng bơnơm M’nông dê, tàm hơ̆ geh Ù tiah Niam chài Cing mồng Tây Nguyên- Phan lời wơl ờ di phan bơna ala mat jơi bơtiàn kòn bơnus gùt plai ù dê. Săp ntas bơh ù, săp ntas krơi is bơh niam chài rài yau dê neh lơh gơs “Ƀòn bơh ală săp ntas gùng đơs crih dê”- Sươn bal phan dơlam ù gùt plai ù UNESCO Dăk Nông, is ồn gơ kờñ ngan năc lòt nhơl.