Tiah Nhơn Lý geh uă bơta geh lòt nhơl dà lềng tài ngui geh uă ngan bơta kwơ niam chài krơi is bè lơh chờ răc dan lòt lơh ka vạn đầm Xương Lý, lăng ông Nam Hải bal mờ ală bơta krơi is bè ù tiah niam, mpồl bơtiàn. Nàng lơh geh cồng nha anih ơhò lơh ka ơm pơgồp bal mờ lòt nhơl, Anih duh broă Làng bol càr Gai Lai sồr ală sờh, gah lơh broă gơrềng bal pơgồp bal sền wơl, lơh niam wơl broă lơh jăt gùng dà broă bơtàu tơnguh bal.

Mùl màl, Sờh Niam chài, Tàp pràn să jan mờ Lòt nhơl càr đơng lam nàng dan geh broă rơndăp lơh, mờ pơgồp bal lơh geh ală phan lòt nhơl tàm Nhơn Lý, Nhơn Hải jăt gùng dà broă lơh geh bơta kwơ niam chài ƀòn lơh ka mờ lơh sa làng bol lòt lơh ka. Sờh broă lơh sa suơn sre mờ Tiah ơm kis sền wơl broă lơh aniah ơhò lơh ka ơm, kơlôi sơnơng broă lơh anih ơhò lơh ka ơm pơgồp bal mờ lòt nhơl tàm tơngai jŏ jòng, ai geh gùng dà broă lơh nàng atbồ, lơh gơdờp bal. Sờh Bơ̆t bơtàu sền wơl broă lơh, gàr niam ndrờm bal phan bơna.