Jat Anih duh broă Làng bol càr Gia Lai, dơ̆ sơn đờm mut lơh geh sơñio rùp tơn, tơrbŏ mờ ală anih pờ tơlik jơnau đơs – sơñio rùp tàm gùt lơgar. Bơta tờm bơh broă lơh dê là anih bơyai lơh rùp ù tiah ngan ngồn dờng ngan, geh rơcang nền nòn bơh 4 broă lơh đơs crih tamya, ai tơnggŏ wơl gùng bơh brê bơnơm Tây Nguyên tus tiah dà lềng.

Bơh anih bơyai lơh pơgồp bal mờ gùng đơs crih, tamya mờ bơta àng pa ngan, broă lơh ai tơnggŏ niam ngan rùp niam chài – kah yau is ồn bơh ù tiah do dê. Ù tiah cing mồng Tây Nguyên gơ bơrlŭ bal mờ huềng brê bơnơm, nùs nhơm khin cha jak chài Tây Nguyên geh pơnđàng niam ngan, jờng rơ bơhiàn khin cha jak chài bơh ù tiah võ dê. Jat Anih duh broă Làng bol càr Gia Lai, broă lơh ờ mìng là dùl dơ̆ sơn đờm mut lơh bè ờs mờ gam là broă tơrbŏ bal gùng đơs crih – lòt nhơl – niam chài, pơgồp bơnah yal tơnggit rùp hin ù tiah, kòn bơnus Gia Lai mờ ù tiah kềng gah dà lềng tàm gùl lơgar – Tây Nguyên.