Tàm tiah đah mat tơngai mut càr Dăk Lăk, broă lơh geh lơh tàm ƀlàng bồ đap Anih tờm niam chài – lòt nhơl càr, geh lơh jat 3 tap: Bơta pin dờn ngai chờ dờng, Dăk Lăk – Jơnau đơs crih pơn yờ să mờ kơp kơnờm brồ ngài. Mờ ală jơnau đơs crih tamya tơrgùm bal, broă lơh ai tơnggŏ wơl nùs nhơl hô hờng bơh ngai chờ dà lơgar dê, jờng rơ gơnoar broă bơh Đảng, Quôk hội dê mờ gơtha kuơmàng bơh dơ̆ tĕ khà dê.

Bơta niam chài Tây Nguyên geh ai tơnggŏ loh làng ngan mờ ală jơnau đơs crih, tamya cèng sap cing mồng, rùp hin ƀòn lơgar, brê bơnơm mờ bơta kơp kơnờm bơtàu tơnguh bơh ù tiah do dê. Dùl tŭ bal, tàm tiah đah mat tơngai lik càr dê, dùl broă lơh đơs crih tamya niam ngan kung geh bơyai lơh tàm Ƀlàng dờng Phú Yên, sơnah ƀòn Tuy Hòa, lơh gơlik nùs nhơm ngai chờ ai làng bol ƀòn lơgar in, đơs nền nùs nhơm tam klac bal, pơgồp bal bơta pràn bơt bơtàu càr Dăk Lăk ngai sơlơ bơtàu tơnguh.