Dơ̆ tàm pơrlòng geh lơh tus ngai 21/3, gơ tơrgùm 8 mpồl coh plai cau ùr tàm kơnhoàl ù tiah Tây Nguyên mờ Tiah kềng gah dà lềng đah jum tàm gùl lơgar, geh ală mpồl: Ea Păl, Ea Knốp (càr Dăk Lăk); ală mpồl Đak Đoa, Jarai (càr Gia Lai) bal mờ 4 mpồl bơh ală mpồl lơh broă tàm Quảng Ngãi, Gia Lai gơ wèt Ling mpồl 15.

Ală mpồl tàm pơrlòng jăt broă lơh coh plai 7 nă, tam pà mpồl, rwah mpồl jak ngan mŭt tàm dar 4 mpồl mờ 2 mpồl. Bơta tờm bơh dơ̆ tàm pơrlòng dê là bơta tus bal bơh ală ùr coh plai uă jơi bơtiàn: Rơđê, Jarai, Bahnar, Rơ Măm, Xơdàng, Tày, Nùng, Thái…Dơ̆ tàm pơrlòng là dơ̆ sơlơ tìp măt, lơh đềt mềr rlau tai bơta tam klăc đah ală ƀòn lơgar mờ mpồl bơtiàn jơi bơtiàn dồ êt nă cau tàm Tây Nguyên.