VOV.K’Ho- Tàm 4 ngai ơm rlô chờ Sơn tờm dà lơgar, càr Dăk Lăk neh wă git nđờ rhiang rbô dơ̆ nac lòt nhơl tàm lơgar mờ bơdìh lơgar, cèng wơl priă jền lơh geh mờr 160 tơmàn đong bơh broă lơh lòt nhơl.

VOV.K’Ho- Mang òr (02/09), tàm Ƀlàng dờng Tam klac dờng (sơnah ƀòn Pleiku), càr Gia Lai neh bơyai lơh broă lơh đơs crih tamya is ồn “Gia Lai – Dà lềng trồ tiah bơrlŭ bal, bơta niam chài gơ klŏ gơ crà”, gờm chờ tơngkah 80 nam Sơntờm dà lơgar (02/9).

VOV.K'Ho- Jăt Sờh Niam chài, Tàp pràn să jan mờ Lòt nhơl càr Khánh Hoà yal, gùt càr wă mờr 908 rơbô nă cau năc, gơguh 10% pơn drờm mờ tŭ do nam lài.

VOV.K’Ho- Tàm tiah brê bơnơm Tây Nguyên dờng ơning ơnàng, dơ̆ lơh chờ tam lơh jai pha “Koh xa Tơdrăng” bơh kòn cau Bahnar dê là dùl tàm ală dơ̆ lơh chờ niam ngan, cèng bềng tềl tơngŏ kah yau, hwềng nùs mờ bơhiàn niam chài niam ngan.

VOV.K'Ho- Cing là phan ngui đơs crih ờ gơtùi ờ geh tàm rài kis nùs nhơm bơh cau Tây Nguyên dê. Gơ wèt mờ jơi bơtiàn K’Ho tàm càr Lâm Đồng, jơnau cing chờ hờp- Cing Bor- geh kơ̆p kờñ iăt uă ngan rlau jơh. Tŭ jơnau cing geh dròng là tŭ nàng làng bol ƀòn lơgar in tam tìp bal, sơlơ tam klăc bal tai nùs nhơm đah cau do mờ cau ne, tơnggŏ bơta tam klăc ring bal tàm hìu bơnhă mờ ƀòn lơgar.

VOV.K'Ho - Di tơngkah 80 nam Kac màng nhai 8 mờ Sơntờm dà lơgar 02/9, Ƀảo tàng Kah yau dà lơgar tàm ƀòn dờng Hà Nội gam bơyai lơh ràng tơlik mìng dùl tơngume “Làng bol bơsram sră – sòl pơnđàng tơnơ̆ do”. Ală phan lời ir, rùp hin geh ràng tơlik ờ mìng lơh kah wơl jơnau bơh broă bơsram sră dê mờ gam là jơnau đơs crih khin cha jak chài bơh nùs nhơm kờñ gơboh dà lơgar, bồ tơnguh brồ guh pràn ngan dê.

VOV.K’Ho- Ngài pơgăp mờ sơnah ƀòn Kon Tum pơgăp 20 kơi sồ, ƀòn Kon Jong bơh kòn cau Sơdàng tàm sàh Ngọc Réo, càr Quảng Ngãi, ring lơngai tàm ală suơn kao su, kơphê mờ brê tơlir niam ngan. Tiah do geh hiòng dà croh Đăk Lôi niam bơnĕ, là tiah lòt nhơl di pal ngan mờ ală cau kờñ “ơm rlô să” tŭ rê wơl mờ brê bơnơm tàm ngai ơm rlô do dê.

VOV.K’Ho- Ràng tơlik “Cồng nha lơh geh Dà lơgar dê- 80 nam gùng lòt Lơngăp lơngai is, Khat gơboh, Gơboh gơbài” geh bơyai lơh bơh ngai 28/08 tus jơh ngai 5/09 tàm càr lơgar Hà Nội. Mờ bơta tus bal bơh 34 càr, ƀòn dờng bal mờ uă ƀộ, gah broă Dà lơgar, ràng tơlik yal tơngĭt ală cồng nha lơh geh pơn rơ ngan bơh Dà lơgar dê tàm uă gah broă, tàm hơ̆ geh ală ù tiah ràng tơlik niam ngan bè sền gàr Dà lơgar, niam chài, lơh sa, mpồl bơtiàn. Do là tiah tus niam chài- cíñ trị kwơ màng, pơgồp bơnah lơh gơrề uă nùs nhơm jơi bơtiàn mờ lơh kah wơl bơta kơ̆p kờñ bơt bơtàu Dà lơgar dờng pràn.

VOV.K'Ho- Tàm Hìu Quốk hội, geh bơyai lơh sơm đờm ai ngui Anih tờm Sră ƀăo mờ tăc tem di tơnkah 80 nam Ngai Sơn tờm Dà lơgar Kộng hoà Sàh hội Củ nghĩa Việt Nam.

VOV.K’Ho – Tàm ù tiah brê bơnơm Tây Nguyên dờng ơning ơnàng, tŭ sap cing mồng mpong ntas hòi kàl lơh sa tus, tŭ ală nhŭ bơnhă ồs tàm trồ mho par hơđang ală rơkàng hìu, he gơtùi sền gŏ ală rùp hin mờng kwèng ngan, hơ̆ là ală mò, ală mè, ală bi ùr bal mờ gơp ƀŏ phe kềng bơnhă ồs hơng. Sap ntas kôk kôk mpong ntas bơh mpal dơm chi, gơ bơrlŭ bal mờ gùng tamya xoang rơlĕ rơlùn, bè tơngkah git nđờ rơnàng cau Sơdàng bè ală phan sa bơh yau, mờng kwèng mờ bềng lìu bơta niam ƀòn lơgar dê. Tàm hơ̆, biap pài tờm ju brê – phan sa mờng kwèng ngan cèng bơta bơkah is ồn bơh brê bơnơm dê, bơh jŏ neh gơ gơs là bơta pơn yờ să tàm niam chài phan sa bơh mpồl bơtiàn cau Sơdàng dê.