Anih cribơyai gơ hòi gơ jà bơta tus bal bơh ala mat ală Ƀộ, gah broă lơh dà lơgar, mpồl lơh broă ală lơgar, ală kwang atbồ Anih lơh broă ala mat, cau geh jơnau git wă jrô, cau kơlôi sơnơng jak chài mờ mpồl lơh sa kă bro tàm lơgar, bơdìh lơgar. Anih cribơyai dơ̆ do là dơ̆ nàng càr Dăk Lăk in cih dờp mờng chài ală lơgar, bơt bơtàu sră nggal nàng dan UNESCO dờp phan lời wơl; chồl tơnguh rề ơnàng kơphe kơnhăp jŏ pơgồp bal mờ lòt nhơl mờ lơh sa mờ măi mok, niam chài.

Đơs tàm Anih cribơyai, ồng Nguyễn Minh Vũ, Thứ trưởng Ƀộ Cribơyai broă mờ lơgar ndai đơs là, broă rơ wah kơphe lơh bơta tờm bơh tìp mat tơm boh bơr niam chài dê là broă nàng ngui jơnau bơceh lơh, pơgồp bơnah đơs nền wơl bơta kuơ bơh phan lơh gơs bơh suơn sre mờng kwèng dê tàm rài kis. Kơphe Việt Nam tŭ do ờ mìng mut uă tàm ală mpồl lơh sa gùt plai ù mờ gam geh gơnoar broă bè dùl nă cau ala mat niam chài, cèng bal jơnau yal bè kòn bơnus mờ bơta niam chài Việt Nam tus mờ gơp bơyô ală lơgar.