Càr Dăk Lăk tơnguh broă lơh broă bal mờ UNESCO mờ FAO tàm broă prăp gàr phan lời wơl mờ bơtàu tơnguh lơh sa suơn sre kơl jăp
Thứ hai, 13:35, 20/04/2026
Cau mblàng Ndong Brawl/VOV
Cau mblàng Ndong Brawl/VOV
VOV.K'Ho- Tàm sơnah ƀòn Buôn Ma Thuột, kwang đơng lam Anih duh broă Làng bol càr Dăk Lăk neh wă mờ lơh broă mờ mpồl lơh broă bơh UNESCO mờ FAO geh ồng Jonathan Wallace Baker, Lam bồ ala măt UNESCO tàm lơgar Việt Nam mờ ồng Vinod Ahuja, Lam bồ Ala măt mpồl FAO tàm lơgar Việt Nam lam bồ, di tàm dơ̆ tus Pơrjum Phan lời wơl Kơphe Dunia geh bơyai lơh tàm càr Dăk Lăk.
Tàm dơ̆ lơh broă, kwang đơng lam càr Dăk Lăk dan UNESCO pơn jăt tai dong kờl lơh sră nggal nàng tơlik măt phan lời wơl “Ngăc ngar tam mờ lơh kơphe càr Dăk Lăk”, mờ pơlam lơh sră nggal Kông viên địa cất tiah đah măt tơngai Lik càr dê, wèt tus khà jờng Kông viên địa cất Gùt plai ù.
Ồng Jonathan Wallace Baker, Lam bồ Ala măt UNESCO tàm lơgar Việt Nam pà git, UNESCO tŭ lơi kung rơcang dong kờl càr Dăk Lăk tàm broă lơh sră nggal “Ngăc ngar tam mờ lơh kơphe càr Dăk Lăk” dê yal UNESCO sền sơwì dờp phan lời wơl niam chài ờ di phan bơna. Mờ mpồl do kung rơ̆p pơn jăt tai lơh broă mờ càr tàm ală sră nggal phan lời wơl ndai, tàm hơ̆ geh Kông viên địa cất.
Viết bình luận