Pơn rơ ngan tàm ală broă lơh mờr tus là Pơrlòng lòt nhơl dà lềng Khánh Hòa 2026 mờ tơngume “Gơ klŏ gơ crà dà lềng dờng – Brồ guh ndrờm pal ală lơgar”, kờp dŭ bơyai lơh tàm nhai 7 tus. Tàm tơngume pơrlòng rơp geh lơh uă broă lơh bè lơh chờ tàm gùng, bơyai lơh đơs crih tamya dờng ală lơgar, chờ àu kap, ù tiah phan sa; pơrjum cribơyai lòt nhơl ơhò dà lềng ală lơgar, ràng tơlik rùp niam chài, chờ klềng, chờ plai chi mờ ală broă lơh tàp pràn să jan dà lềng…

Bơdìh hơ̆ tai, càr kung rơcang bơyai lơh Ngai chờ niam chài ală jơi bơtiàn càr Khánh Hòa nam 2026 mờ bơta tus bal bơh mờr 35 mpồl dê. Git nền lòt nhơl là dùl tàm 4 gah tờm bơh lơh sa dê, Khánh Hòa neh ai lơh jat broă rơndap lơh bơtàu tơnguh, rơ wah bơcri priă geh broă tờm, bơta tờmnàng kờñ bơt bơtàu mat sơnđan is ồn ai lòt nhơl dê in mờ gơnoar broă bal mờ bơta ndrờm pal ală lơgar.