3 nhai bồ nam, cau năc bơh ală lơgar tus càr Gia Lai geh mờr 65 rơbô dơ̆, gơguh 72%; cau năc tàm lơgar geh rơlao 4 tơlăk 100 rơbô dơ̆, gơguh mờr 14%. Kờp jơh priă geh bơh lòt nhơl tàm 3 nhai geh di pơgăp 8 rơbô 700 tơmàn đong, gơguh 17% pơn drờm mờ tŭ do nam lài. Mìng is nhai 3, khà cau năc bal mờ priă geh mờr nggùl mờ rơlao 2 tơlăk dơ̆ bal mờ priă geh mờr 4 rơbô tơmàn đong.

Bơta tờm pal kah ngan là Poh sơn đờm Nam Lòt nhơl Dà lơgar càr Gia Lai 2026 geh bơyai lơh bơh ngai 23 tus ngai 30 nhai 3 mờ ală broă lơh dờng bè Pơrjum cri bơyai Lòt nhơl Gia Lai 2026, Pơrjum hòi jà bơcri priă mờ wă ơhò lòt nhơl ală lơgar tus anih ơhò ơm Quy Nhơn. Tàm quý II nam 2026, càr Gia Lai pơn jăt tai lơh pràn broă hòi jà lòt nhơl mờ uă broă lơh bì: Ngai chờ Niam chài ală jơi bơtiàn càr dơ̆ V; mờ Pơrlòng tàp pràn să jan ală jơi bơtiàn ờ gal cau; Lơh chờ Lòt nhơl kàl rơlô bơkang “Gia Lai – Tiah tus niam bơnĕ”; bal mờ ală broă lơh yal tiah tus tàm lơgar bơdìh mờ phan krơi is bè “Cing mồng lồi poh – Iăt sền mờ lơh”. Bơh broă bơyai lơh ală broă lơh dờng do, càr Gia Lai kơ̆p kờñ lơh geh dùl tiah tus niam bơnĕ mờ cau năc tàm lơgar bal mờ ală lơgar dê.