Dơ̆ ràng tơlik geh ràng tơlik 180 nơm rùp bơh 131 nă cau chài cùp rùp tàm gùt lơgar, yal niam ngan rài kis, niam chài mờ bơhiàn ờs mờng bơh 54 jơi bơtiàn Việt Nam dê. Ală rùp geh cùp tàm uă kơnhoàl ù tiah tàm gùt lơgar, cùp loh làng bơta niam li la tàm rài kis pah ngai, lơh broă, pin dờn jăt Yàng mờ phan soh ờs mờng bơh tơl jơi bơtiàn dê.

Jat mò Trần Thị Thu Đông, Củ tịc Mpồl Cau chài Cùp rùp Việt Nam, dơ̆ ràng tơlik là cồng nha bơh dơ̆ lam lơh tàm gùt lơgar dê mờ sac rơwah nền nòn tàm rlau 4 rơbô nơm rùp tus bal. Do ờ mìng là broă lơh cùp rùp lơm mờ gam pơgồp bơnah yal tơngĭt uă rùp hin dà lơgar, kòn bơnus Việt Nam tus mờ mpồl bơtiàn mờ năc lòt nhơl in. Bơh ală rùp, mpồl bơyai lơh kơ̆p gơn lơh gơrề uă bơta kờñ gơboh niam chài ờs mờng bơh yau, tơnguh uă nùs nhơm sền gàr mờ ngui niam bơhiàn niam chài is bơh ală jơi bơtiàn dê tàm rài kis pa tŭ do. Dơ̆ ràng tơlik rơ̆p geh bơpyai lơh tus jơh ngai 6/4 tus.