VOV4.K'Ho- Ƀộ Niam chài, Tàp pràn să jan mờ Lòt nhơl geh Jơnau lơh nền ai Jơnau git wă ờs mờng bơh yau bè kơnuh sơnơm Ngọc Linh tàm 2 kơnhoàl Tu Mơ Rông mờ Đăk Glei, càr Kon Tum tơmŭt tàm Khà măt phan lời wơl niam chài ờ di phan bơna dà lơgar dê.

VOV4.K’Ho- Broă tàñ ồi kòn cau bơh kòn cau Bahnar tàm càr Gia Laidê neh geh bơh jŏ, geh tàm pơr dờn bơh rài do tus rài ndai mờ gàr niam sùm tus tŭ do tơn. Do ờ mìng là broă lơh mờ tê ờs mờng lơm mờ gam là bơhiàn niam chài niam ngan bơh làng bol jơi bơtiàn dồ ết nă cau tàm tiah do dê.

VOV4.K'Ho - Lơh yàng dà mbòr là dùl bơhiàn gah huềng geh bơh jŏ rài bơh uă jơi bơtiàn dồ êt nă cau tàm tiah Tây Nguyên dê, ai tơnggŏ bơta ki ngàm tus mờ dà – do là hiòng rài kis ƀòn lơgar dê. Tàm sàh tiah nhàr lơgar Krông Na, kơnhoàl Buôn Đôn, càr Dăk Lăk, dơ̆ lơh yàng geh làng bol cau M’nông Preh bơyai lơh pah nam mờ jơnau gơtha kờñ ưn ngài yàng dà neh ai pà dà sàng goh, kloh niam nàng ngui.

VOV4.K’Ho- Ngai 28/05, Sờh Niam chài, Tàp pràn să jan mờ Lòt nhơl càr Dăk Lăk bơyai lơh dơ̆ yal broă lơh hòi jà năc lòt nhơl tàm kàl prang nam 2025.

VOV4.K'Ho- Tàm anih prap ơn niam chài li la ngan bơh ală jơi bơtiàn dồ êt nă cau Tây Nguyên dê, cau Bahnar kung gam prap gàr uă bơhiàn bơh yau krơi is ngan, ai gŏ bơta kơlôi sơnơng tàm rài kis mờ ală bơta sền sơ wì bè ală broă tàm rài kis kòn bơnus. Dùl tàm ală bơta niam chài hơ̆ là bơhiàn prap gơbang dơm chi hơ đơm rồm hìu rơng, ờ mìng cèng jơnau gơtha pin dờn, mờ gam ai tơnggŏ bơta rơcang lài nền nòn ngan ai bơta sang rài kòn bơnus in.

VOV4.K’Ho- Sờh Bơto bơtê mờ Bơsram càr Dăk Lăk pa bơyai lơh cribơyai jak chài mờ tơngume “Bơto bơtê phan lời wơl niam chài Tây Nguyên ai kơnòm bơsram pe kấp in- ală jơnau cih tàm pơ àr mờ bơta geh ngan”.

VOV4.K'Ho - Tàm ù tiah brê bơnơm Tây Nguyên dờng ơnung ơnàng, tiah mờ sap ntas cing mồng dê neh gơ gơs là nhơm tă rài kis dê, geh dùl nă klau Rơđê gam tiơng pơn rơ ngan mờ niam chài bơh yau. Hơ̆ là cau chài kơnòm să Y Puen Niê, mat mờng hòi là bèp Phiu dê ơm tàm ƀòn Phung, sàh tiah ngài Cư̆ Pui, kơnhoàl Krông Bông, càr Dăk Lăk – là cau kờñ mờ lơh ngan nàng sền gàr, ngui đờng goòng bơh yau kòn cau he dê.

VOV4.K’Ho- Di dơ̆ tơngkah kir sơnrai 135 nam ngai deh Củ tịc Hồ Chí Minh (19/5/1890-19/5/2025), mang ngai 15/5, Tổng Ƀí thư ồng Tô Lâm tus bal dơ̆ sơnđờm mut lơh Dơ̆ lơh chờ ƀòn Sen nam 2025 mờ sơnđờm ai ngui rùp “Wa Hồ rê còp ƀòn tờm” tàm sàh Kim Liên, kơnhoàl Nam Đàn, càr Nghệ An.

VOV4.K’Ho- Rlau 50 nam jòi tơrgùm sră nggal kwơ bè Wa Hồ, ồng Nguyễn Đình Phong, ơm tàm thôn Tân An, sàh Quảng Thanh, kơnhoàl Quảng Trạch, càr Quảng Bình neh geh dùl tăp phan jòi tơrgùm rlau 3 rơbô nơm rùp hin, sră ƀăo, sră nggal kwơ bè Củ tịc Hồ Chí Minh dê bơh ală rài. Mờr tus tơngkah kir sơnrai 135 nam ngai deh Wa Hồ kờñ gơboh dê, ồng Phong den nền nòn wơl rơndăp săp sèng, ai sră nggal ràng tơlik tàm dơlam “Hìu ơn prap phan kwơ yau tơrgùm dềt” bơh he dê nàng tơl nă cau in tus sền, jòi gĭt bè Củ tịc Hồ Chí Minh.

VOV4.K’Ho- Di dơ̆ tơngkah kir sơnrai 135 nam ngai deh Củ tịc Hồ Chí Minh, Ƀộ Niam chài, Tàp pràn să jan mờ Lòt nhơl bơyai lơh broă lơh đơs crih tam ya is ồn mờ tơngume: “Phan pà nhai 5 pơdơng Wa Hồ in”.