VOV4.K’Ho- Tơnơ̆ mờ 3 ngai geh bơyai lơh niam mờ uă broă lơh geh uă bơta niam krơi is ală kòn cau kis tàm Tây Nguyên dê, mang òr (01/12), tàm Ƀlàng dờng ngai 16 nhai 3, ƀòn dờng Kon Tum, càr Kon Tum, Ƀộ Văn hoá, Thể thao mờ Zu lịc neh bơyai lơh Dơ̆ tơn jơh Ngai chờ Niam chài, Tàp pràn să jan mờ Lòt nhơl ală jơi bơtiàn kòn cau kis tàm Tây Nguyên dơ̆ sơnrờp nam 2023.

VOV4.K’Ho- Lơh yàng Chờ piang kòi pa kòn cau Bru-Vân Kiều dê tàm xã Ngân Thủy, kơnhoàl Lệ Thủy, càr Quảng Bình pa geh Ƀộ Văn hoá, Thể thao mờ Zu lịc dờp là Phan lời wơl Niam chài ờ di phan bơna Dà lơgar dê. Tơnơ̆ mờ hơ̆, càr Quảng Bình neh lơh uă broă lơh nàng prăp gàr, ngui ală bơta kwơ phan lời wơl niam chài ờ di phan bơna tàm càr do. Prăp gàr mờ bơtàu tơnguh Lơh yàng Chờ piang kòi pa bơh làng bol kòn cau Bru-Vân Kiều dê pơgồp bal mờ broă bơtàu tơnguh lòt nhơl geh pơgồp bal tàm broă tơnguh uă rài kis lơh sa, bơta niam chài bơh làng bol kòn cau kis tàm dòr bơnơm Trường Sơn dê.

VOV4.K'Ho - Lài hơ̆, mho ngai 29/11, lòt sền broă lơh rơcang lài ai dơ̆ Mut lơh Ngai chờ niam chài, Tàp pràn să jan mờ lòt nhơl ală jơi bơtiàn tàm tiah Tây Nguyên dơ̆ 1 nam 2023 tàm Ƀlàng dờng ngai 16 nhai 3, ƀòn dờng Kon Tum, càr Kon Tum, Đại tướng Tô Lâm, Kwang geh jơng tàm Ƀộ Cíñ trị, Ƀộ trưởng Ƀộ Kwang àng neh sền git niam chài cing mồng Tây Nguyên mờ pà rơdio ai 100 nă cau chài càr Kon Tum in.

VOV4.K’Ho- Drim ngai 29/11, tàm Ƀlàng dờng 16/ 3, ƀòn dờng Kon Tum, Ƀộ Văn hóa, Thể thao mờ Du lịc bơyai lơh sơnđờm mut lơh ală broă lơh niam chài, tàp pràn să jan mờ lòt nhơl ală jơi bơtiàn tiah Tây Nguyên.

VOV4.K'Ho - Nam do neh mờr 70 sơnam, mơya cau chài ồng Kpă Huăt, mat mờng hòi là ồng Sêna dê ơm tàm ƀòn Ama Djơng, mpồl 9, sơnah ƀòn Đoàn Kết, thị xã Ayun Pa, càr Gia Lai kung gam jơh nùs tơmut huềng tàm ală rùp trah mòn bơh dơm chi. Mờ mpàng tê chài rơgơi he dê, ồng neh trah mòn gơs ală rùp mờ dơm chi cèng bơta niam chài krơi is bơh cau Jrai dê.

VOV4.K’Ho- Gơ ơm tàm ală broă lơh Pơrlòng Lơma Việt Nam dơ̆ 23, ngai 23/11, tàm ƀòn dờng Dà Làc, Kụk Lơh lơma gơ wèt Ƀộ Văn hoá, Thể thao mờ Zu lịc Việt Nam pơgồp bal mờ Sở Văn hoá, Thể thao mờ Zu lịc càr Lâm Đồng bơyai lơh Cribơyai “Bàr pe broă tờm kwơmàng tàm bơ̆t bơtàu gah lơh sa mờ măy mok lơh lơma Việt Nam”.

VOV4.K'Ho - Mang ngai 21/11, tàm ƀòn dờng Dà Làc, càr Lâm Đồng mut lơh Pơrlòng lơma Việt Nam dơ̆ 23. Phó Thủ tướng Cíñ phủ Trần Hồng Hà neh tus bal dơ̆ mut lơh.

VOV4.K'Ho- Tàm Ƀảo tàng Dăk Lăk, Sở Văn hóa- Thể thao mờ Zu lịc càr Dăk Lăk pơgồp bal mờ Ủy ƀan Ñân zân ƀòn dờng Buôn Ma Thuột bơyai lơh bơhiàn rò bơr tơu bơh cau Rơđê dê.

VOV4.K’Ho- Tơnơ̆ mờ 3 ngai geh bơyai lơh niam, mang ngai òr (20/11), Ngai chờ Niam chài ală jơi bơtiàn càr Dăk Lăk neh tơn jơh.

VOV4.K’Ho- Tơnơ̆ rlau 1 poh geh bơyai lơh ală broă lơh duh hồl ngan mờ cèng bềng bơhiàn niam chài niam bơnĕ ngan, Tơngleh Niam chài– Lòt nhơl càr Gia Lai nam 2023 neh tơn jơh mờ dơ̆ tơn jơh geh bơyai lơh mang ngai 19/11.