VOV4.K’Ho- Lòt nhơl Dăk Lăk neh gơguh mờr 2 dơ̆ jơh bal bè khà năc lòt nhơl mờ priă lơh geh tàm qúy 1 nam do.

VOV4.K'Ho- Drim òr (07/04), tàm Tiah duh khoai Bơtau Hùng tềng ñrùh Prenn ƀòn dờng Dà Làc, càr Lâm Đồng neh bơyai lơh Lơh chờ Duh khoai Bơtau Hùng.

VOV4.K'Ho- Tàm kơnhoàl tiah nhàr lơgar Tuy Đức, càr Dăk Nông, tŭ do geh rơlao 200 hìu mờ mờr 1 rơbô 200 nă cau bơh càr Phú Thọ tus ơm kis. Nàng prăp gàr jơnau pin dờn mờ đờm jăt niam bơhiàn ờs mờng “Hùc dà kah tô dà”, làng bol neh tă priă bal, ngai lơh hìu duh khoai Bơtau Hùng. Do ờ mìng là lơh ngan prăp gàr bơta niam chài mờ gam là broă lơh nàng geh sùm mờ đòm jăt bơhiàn sền gàr Dà lơgar, pơgồp bal tàm broă tơnguh broă tam klăc bal gùt jơi bơtiàn tàm tiah nhàr lơgar tiah Tây Nguyên dê.

VOV4.K’Ho- Ơ làng bol mờ ală bơyô! Ngai Duh kah Bơtau Hùng, làng bol ală jơi bơtiàn Tây Nguyên bal mờ gơ̆p kah wơl tai hờ mò pàng jơi bơtiàn dê, tơnggŏ nùs nhơm gĭt ưn ngài gơ wèt mờ rơnàng cau lài do. Bulah ơm khăt tiah lơi, làng bol Tây Nguyên sùm kah ngan jơnau bơto Wa Hồ dê: “Ală Bơtau Hùng neh geh dà kơlhề bơ̆t mòn dà lơgar, Wa mờ sau he pal sền gàr bal tĕ dà lơgar”, lơh bơta pơñiờ să jơi bơtiàn gơgơs bơta gơn kơnờm bơ̆t bơtàu ƀòn lơgar tờm ngai sơlơ pas sơm niam bơnĕ.

VOV4.K’Ho- Kòn cau Rơđê kis bơnĕ bơnài bal mờ ù tiah brê bơnơm, khi sền brê là hìu, là bơta kis. Khi gĭt ngui jơh ală phan mờ brê bơnơm pà gời nàng lơh geh ală phan sa ờ mìng bơkah lơm mờ gam cèng bềng bơhiàn niam chài bơh jơi bơtiàn dê. Nha lộc vừng, dùl bơta nha hòn jat kềng gah dà croh, tàm mìr geh bơta bơsơ̆t dồ ết, nha là dùl tàm ală phan ngui is ồn geh kòn cau Rơđê ngui nàng trŭ gơm phan mờ ka hồl.

VOV4.K'Ho - Tàm anih prap ơn niam chài bơh ală kòn cau tàm tiah Tây Nguyên dê, trah mòn rùp hìu ƀồc geh sền là bơta niam chài cèng bơta krơi is. Ală rùp trah mòn hìu ƀồc bơh cau Bahnar tàm Tây Nguyên ờ mìng là ală phan trah mòn bơh yau lơm ờ, mờ bơh hơ̆ gam ai tơnggŏ jơnau pơrya bè rài kis tai.

VOV4.K’HO- Ồng Khamtay Siphandone, lài do là Củ tịc Mpồl Duh broă Đảng Dà lơgar Làng bol Kăc màng Lào, Cu tịc lơgar, Thủ tướng lơgar Kộng hoà Làng bol lơh tờm Làng bol Lào sang rài ngai 02 nhai 04. Nàng tơnggŏ nùs nhơm kah sơnđàc pơlai soh ngan ồng Khamtay Siphandone mờ gơlik bơh gĭt gơ̆p is ồn Việt Nam mờ Lào, Đảng, Dà lơgar Việt Nam neh lơh nền ies ƀồc ồng Khamtay Siphandone jăt broă lơh Dà lơgar ies ƀồc tàm 02 ngai, 04 mờ 05/04/2025. Bơta gĭt gơ̆p dòn song, đềt mềr đah Việt Nam mờ Lào geh ală rơnàng đơng lam bàr Đảng, bàr Dà lơgar mờ Làng bol bàr lơgar dê roh uă dà kơlhề bơ̆t bơtàu mờ bơtàu tơngguh. Sơrlèt rlau 60 nam kờp bơh tŭ lơh gĭt gơ̆p cribơyai broă mờ lơgar ndai tus tŭ do, bơta gĭt gơ̆p is ồn do ngai sơlơ gơlòt mŭt ngan ngồn tàm uă broă mờ geh cồng nha rlau.

VOV4.K'Ho- Ală tơngu me yal, tơrbŏ bal lòt nhơl đah càr Dăk Lăk mờ Phú Yên neh geh ai lơh bơh gờñ, nàng lơh geh uă rơlao tai mpồl broă lơh di tơnkah 50 nam tơnklàs jơh đah Jum, dà lơgar tơrgùm dùl;pơgồp bal tàm broă lơh pràn lòt nhơl, wèt tus jơnau kờñ lơh gơguh lơh sa rơlao 8% bè jơnau neh geh ai.

VOV4.K’Ho- Cru là dùl tàm ală jơi bơtiàn dồ êt nă cau ơm kis jŏ rài tàm kơnhoàl ù tiah Tây Nguyên, ơm kis uă ngan là tàm càr Lâm Đồng mờ Ninh Thuận. Bulah khà kờp làng bol dồ êt nă ngan mơya làng bol jơi bơtiàn Cru kung gam gàr geh bơhiàn krơi is jơi bơtiàn he dê, bal mờ ală adăt bơhiàn ờs mờng bơh yau, lơh chờ lơh yàng mờ rơ̆ ru ngan ală jơnau đơs pơnđik, jơnau yal yau, ală đờng goòng yau rơ̆ ru ngan.

VOV4.K’Ho- 50 nam tơnơ̆ ngai tơngklàs càr Quảng Nam, kơnhoàl ù tiah bơnơm, tiah pôs đồng kăc màng tàm rài tam lơh tŭ do sơlơ geh uă tiah lòt nhơl mpồl bơtiàn gơhòi gơ jà năc lòt nhơl. Ală phan bơna lòt nhơl gơ jăt bal mờ brê bơnơm geh is mờ niam chài ƀòn lơgar bơh yau làng bol jơi bơtiàn dồ êt nă cau tàm gùl brê bơnơm dờng ơning ơnàng Trường Sơn dê dong làng bol tiah bơnơm geh priă lơh geh sùm.