Jat jơnau ring bal, ală anih lơh broă sră ƀăo mìng tơrgùm mblàng yal cồng nha bơtàu tơnguh lơh sa- mpồl bơtiàn, sền gàr dà lơgar- lơngăp lơngai; ală gùng dà broă lơh dờng bơh Đảng, Dà lơgar mờ bơh càr dê; Jơnau lơh nền tàm Pơrjum dờng Đảng ƀộ càr Lâm Đồng dơ̆ I, tơngai lơh broă bơh nam 2025–2030; Jơnau lơh nền tàm pơrjum dờng dơ̆ 14 bơh Đảng dê; broă lơh tĕ khà cau ala mat Quôk hội khoă 16 mờ Mpồl duh broă Làng bol ală kấp tơngai lơh broă bơh nam 2026–2031; bal mờ ală jơnau lơh nền tàm pơrjum kwơ màng bơh Dà lơgar dê bè jak chài - măi mok, tam gơl sồ mờ mut gơ rờm bal ală lơgar.

Đơs tàm pơrjum, ồng Nguyễn Văn Lộc, Kwang lam bồ Sờh Niam chài, Tàp pràn să jan mờ Lòt nhơl càr Lâm Đồng pà gĭt, càr rơ̆p lơh geh tơl ală bơta ƀuơn ngan nàng ală anih lơh  broă sră ƀăo in gĭt mờ ală jơnau yal, broă lơh lơh broă; mờ Sờh kung rơ̆p lơh cau tờm bơto pơlam, sồr ngan ală sờh, mpồl, gah broă, Anih duh broă Làng bol ală sàh, sơnah ƀòn, tiah is ồn lơh jat niam jơnau pal jat bè đơs mờ yal tơngĭt jơnau yal ai sră ƀăo in.