Ala tàm hơ̆, uă broă lơh niam chài, đơs crih tam ya rơ̆p geh lam lơh dồ ròt bal bơh kấp càr tus tàm ƀòn lơgar, lơh geh nùs nhơm chờ hờp, chờ hờñ, brơn brài nàng làng bol in wă rò Sa tềp. Broă lơh ờ cuh phăo bơkào geh bơh gùng dà pơlam lời ai priă jền tơrgùm sền gròi rài kis làng bol in, ai lơh lài broă lơh bơsong jơnau gơ lời wơl tài bơh trồ tiah lơh aniai, bơtàu tơnguh wơl lơh sa mờ bè ờs wơl rài kis làng bol tàm ală tiah pa kong gơrềng kơn jơ̆ kơn jŭt ngan tài bơh dơ̆ mìu dờng dà tih dà lìu kah yau dê.

Chờ hờp nam pa Ơseh 2026, càr Dăk Lăk rơ̆p bơyai lơh broă lơh đơs crih tam ya gờm chờ Đảng, gờm chờ Nam pa mờ tơngume “Dăk Lăk- Brê bơnơm dờng ơning ơnàng mờ Dà lềng dờng, bơta kơ̆p kơnờm brồ guh ngài”. Broă lơh geh bơyai lơh tàm mang ngai 16 nhai 2, hơ̆ là mang 29 sa tềp, tàm sơnah ƀòn Buôn Ma Thuột mờ sơnah ƀòn Tuy Hoà.