VOV.K’Ho- Tàm rài kis niam chài bơh ală kòn cau Tây Nguyên dê, tơl mpồl bơtiàn ndrờm geh dùl bơhiàn lap bau, tam bau is ồn, cèng bơta niam krơi is. Gơ wèt mờ cau Sơdàng, gùng tam bau ờ ơn bơta kơn jơ̆ bè priă jền, ờ geh dan kơt bau mờ sền dờng màng bơta tàm kờñ jơh nùs mờ nùs nhơm geh kơnòl.

VOV.K'Ho- Chờ gờm 71 nam Ngai tơnklàs Càr lơgar (10/10), mờ 95 nam Ngai crơng gơs Mpồl cau ùr Việt Nam (20/10), tàm Hìu prăp gàr phan kwơ yau cau ùr Việt Nam gam geh bơyai lơh sơn đờm Ràng tơlik rùp “Rùp să rài kis ală jơi bơtiàn lơgar Việt Nam” yal bơta niam bơh 36 tàm 54 jơi bơtiàn kis tàm lơgar Việt Nam dê. Ală pang rùp niam geh Mpồl kŭp rùp cau ùr Hải Âu lơh gơs.

VOV.K’Ho- Drim òr (08/10), tàm Tiah tềl lời wơl kah yau Đình Lạc Giao, sơnah ƀòn Buôn Ma Thuột, Sờh Niam chài, Tàp pràn să jan mờ Lòt nhơl càr Dăk Lăk bơyai lơh Dơ̆ lơh Yàng duh khoai kàl hàm nam Ất Tỵ 2025.

VOV.K’Ho- Tàm Hìu đơs crih mờ Ràng tơlik niam chài đơs crih tam ya càr Lâm Đồng (sơnah ƀòn Phan Thiết) geh bơyai lơh dơ̆ tơn jơh “Nhai sền gĭt tiah lòt nhơl Lâm Đồng nam 2025”.

VOV.K'Ho- Drim ngai 29/09, tàm sơnah ƀòn Buôn Ma Thuột, càr Dăk Lăk geh lơh Tìp măt cribơyai jak chài Lơh geh wơl brê pơn jăt bal mờ bơtàu tơngguh lòt nhơl ƀòn brê bơnơm mpồl bơtiàn.

VOV.K’Ho – Dơ̆ lơh yàng hòi huềng là dùl tàm ală bơhiàn lơh yàng tàm rài kis gah huềng bơh cau Jarai dê. Tŭ dùl nă cau tàm hìu bơnhă gơtìp aniai, bè gơtìp rềs àr lơh nùs nhơm, bồ tơngoh ờ iang, dơ̆ lơh yàng geh bơyai lơh nàng kờñ rơpua nùs nhơm cau gơtìp rềa àr dê. Bơhiàn do ai gŏ bơta kơlôi sơnơng bè rài kis kòn bơnus bơh cau Jarai dê bè huềng nùs gơ jat bal mờ să jan, mờ bơta gơ rềng kơ̆ ngan mờ dunia bơhiàn.

VOV.K'Ho- Hìu ơn prăp phan kwơ yau càr Lâm Đồng yal mờ năc lòt nhơl mờ làng bol in ală bơhiàn niam chài niam ngan bơh làng bol kòn cau M’nông mờ Mạ dê.

VOV.K’Ho – Tàm rài kis pa tŭ do, tŭ uă bơta kuơ niam chài gam rơhời gơtìp roh huĭ, kung gam tàn hơ̆ ală cau ngềt ngơt gàr đờng goòng kòn cau. Tàm sàh Ea Tul, càr Dăk Lăk, ală cau chài kòn cau Rơđê gam ngai mang sền gàr mờ bơto wơl bơta chài mòn, bơta chài nhơl ală đờng goòng bơh yau. Khi là ală rbàng tơrbŏ nàng sap cing, sap kơ wào pơn jat tai mpong ntas bal mờ brê bơnơm Tây Nguyên.

VOV.K’Ho – Tiơng pơn rơ mờ bơhiàn ờs mờng jŏ jòng rlau 100 nam, ƀòn tàñ bềl sùt Phú Tân, sàh Ô Loan, càr Dăk Lăk kung gam gàr bơta niam is ồn he dê. Ờ mìng lơh geh priă jền bơh bềl, tŭ do, ƀòn tàñ bềl gam gơ hòi gơ jà nac lòt nhơl mờ ală broă lơh sền git is ồn ngan gơ jat bal mờ broă lơh bơh yau.

VOV.K’Ho - Tàm rài ngui măi mok sồ, tŭ mạng sàh hội gơ gơs là drà dờng ngan tac bro phan li la ngan, uă bơyô kơnòm să tiah làng bol jơi bơtiàn dồ êt nă cau tàm tiah Tây Nguyên neh mhar ngan ngui Facebook, Zalo, Tiktok mờ ală bơta măi mok sồ ndai nàng sơn đờm lơh broă. Broă lơh do ờ mìng drơng jơnau kờñ cau blơi phan dê, cèng wơl priă jền lơh geh mờ gam pơgồp bơnah lơh gơ rề uă bơta niam chài li la ngan mờ is ồn ngan bơh ală jơi bơtiàn dê bơh phan soh kòn cau.