VOV4.K'Ho- 50 nam tơnơ̆ ngai dà lơgar tơrgùm dùl, jơnau cih niam đơs crih tamya Dăk Lăk neh mờ gam ai tơngŏ gơnoar là anih tơrbŏ bal đah lài do mờ tŭ do, đah bơta niam krơi is jơi bơtiàn mờ broă bơtàu tơnguh tŭ do. Ală cồng nha bè broă jòi, prăp gàr, ngui bơta niam chài ờs mờng bal mờ ală jơnau bơceh pa geh uă nùs nhơm kờñ gơboh kòn bơnus dê, uă bơta niam chài krơi is neh pơgồp bal lơh àng gơcrà tai muh măt niam chài tiah Tây Nguyên dê.

VOV4.K'Ho- Sa tềp bơhiàn yau Bunpimay là dùl tàm ală dơ̆ lơh chờ niam chài kuơmàng ngan rlau jơh tàm nam bơh mpồl bơtiàn cau lơgar Lào dê. Tàm kơnhoàl nhàr lơgar Buôn Đôn, càr Dăk Lăk, làng bol cau lơgar Lào pa bơyai lơh sa tềp Bunpimay duh hồl, cèng bềng niam chài, ờ mìng nàng gờm chờ wă rò nam pa jat nam gah jat yàng Phờk dê, mờ gam lơh gơ rề bơta niam chài krơi is mờ ai tơnggŏ nùs nhơm tam klac bal tai.

VOV4.K'Ho- Ngai 14 nhai 4 nam 2025, Ƀộ Niam chài, Tàp pràn să jan, Lòt nhơl tơlik Jơnau lơh nền tàm pơrjum sồ 1014 bè rơndăp tăp sèng tiah tềl lời wơl dà lơgar khà C3, C4 gơwèt mpồl trồm rơgồng bơnơm ồs Krông Nô, sàh Dăk Sô, kơnhoàl Krông Nô, càr Dăk Nông. Do là tiah dơ̆ 3 tàm Kông viên địa cất gùt plai ù UNESCO Dăk Nông geh rơndăp tăp sèng phan tềl lời wơl.

VOV4.K'Ho- Tàm ròt ală broă lơh gờm chờ 50 nam Ngai tơngklàs tiah đah jum, tơrgùm dùl dà lơgar (30/4/1975 – 30/4/2025) mờ 79 nam Ngai Wa Hồ pơyua sră ai Pơrjum dờng cau ala mat ală jơi bơtiàn dồ êt nă cau tiah đah jum dà lơgar in tàm Pleiku (19/4/1946 – 19/4/2025), càr Gia Lai pa bơyai lơh Ngai chờ niam chài ală jơi bơtiàn dồ êt nă cau dơ̆ IV. 800 nă cau chài, ala mat ală jơi bơtiàn ơm kis tàm càr Gia Lai neh lơh ală jơnau niam chài niam ngan rlau jơh nàng tă pơgồp bal bơta chờ hờp tàm ngai lơh chờ.

VOV4.K'Ho- Tàm ƀòn dờng Pleiku, Sờh broă dơlam is càr Gia Lai pơgồp bal mờ anih tờm prap ơn dà lơgar II bơyai lơh jàu dờp sră nggal kwang bàng lòt B mờ mut lơh ràng tơlik sră nggal prap ơn mờ tơngume “50 nam lơngăp lơngai is, tơrgùm dùl dà lơgar: Brồ guh tiah ù Bazan”.

VOV4.K'Ho- Di ngai ơm rơlô ngai 30 nhai 4 mờ ngai 01 nhai 5 nam do, cau năc lòt nhơl tus càr Dăk Lăk rơ̆p geh dơ̆ niam nàng tus bal “Par tàm brê bơnơm dờng” tàm Ngai chờ tơnpar plai ƀluh dờng 2025, geh bơyai lơh bơh ngai 01 tus ngai 03 nhai 5 tàm sàh Krông Na, kơnhoàl Buôn Đôn.

VOV4.K'Ho- Tàm ƀlàng dờng Tam klac dờng, Sờh Niam chài, Tàp pràn să jan mờ Lòt nhơl càr Gia Lai bơyai mut lơh Ngai chờ Niam chài ală jơi bơtiàn càr Gia Lai dơ̆ 4 nam 2025 mờ bơta tus bal bơh 800 nă cau chài dê, ala mat ală jơi bơtiàn ơm kis tàm càr Gia Lai.

VOV4K.Ho - Cau chài ồng A Thu, kòn cau Sơdàng ơm tàm thôn Đăk Rô Gia, sàh Đăk Trăm, kơnhoàl Đăk Tô, càr Kon Tum là cau jơh nùs ngan tàm broă lơh prap gàr mờ ngui ală bơta kuơ niam chài kòn cau. Mờ bơta kờñ gơboh jơh nùs, ồng A Thu ờ mìng geh bơta chài tàm broă nhơl ală bơta đờng goòng kòn cau mờ ồng gam lời uă tŭ tơngai, dà kơl hê nàng jòi tơrgùm, mòn mờ bơto cau kơnòm să in.

VOV4.K’Ho- Ngai chờ Niam chài ală jơi bơtiàn dồ êt nă cau càr Gia Lai dơ̆ IV geh lơh bơh ngai 11 tus ngai 13 nhai 04 nam 2025, gơ ơm tàm ală broă lơh chờ gờm 50 nam Ngai Tơngklàs tiah đah Jum, tơrgùm dùl dà lơgar.

VOV4K.Ho- Ngai òr (08/04), Anih prap ơn Tam lơh Hồ Chí Minh mut lơh ràng tơlik “50 nam mpong ntas sùm jơnau đơs crih khin cha jak chài”, ràng tơlik mờr 500 pang rùp, phan lời kir kah yau kuơmàng.