Ƀộ Cíñ trị rơwah ngai 24/11 pah nam là “Ngai Niam chài Việt Nam”, mờ gùng dà broă lơh là ngai rlô, cau lơh broă geh dờp bè ờs priă nhai lơh broă, nàng Làng bol in geh tơnguh uă bơta pràn dờp geh bơta niam chài, mpồl cau đơs crih tam ya geh pơndờm pơndiang bơceh lơh, jơh gùt mpồl bơtiàn tơnguh uă, lơh jat rài kis niam chài, niam jak.

Tổng Ƀí thư ồng Tô Lâm neh kĭ ai lơh jat Jơnau lơh nền tàm pơrjum sồ 80 bơh Ƀộ Cíñ trị dê bè bơtàu tơnguh niam chài Việt Nam. Ƀộ Cíñ trị đơs loh nùs nhơm bơtàu tơnguh niam chài, cau là tơngume tờm, bơta pràn geh is tàm dơlam kwơ màng, bơta gơn kơnờm dờng màng, jrong tờm, bơta tam pà ai bơtàu tơnguh mhar mờ kơnhăp kơ̆ dà lơgar dê. Bơcri priă ai niam chài in là bơcri priă ai bơtàu tơnguh kơnhăp kơ̆ dà lơgar, ai rài tơnơ̆ do bơh jơi bơtiàn dê. Ngui niam uă ngan rlau jơh bơta kwơ mờ bơta pràn niam chài, cau Việt Nam dê tàm rài pa.