Jăt ală cau jăk, cau bơsram dờng đơs, broă lơh jăt ală nùs nhơm do pal geh broă lơh ndrờm bal, rơcang lài mờ gơdờp tàm mùl màl tàm bơta pa. Ală jơnau kờñ bal mờ gùng dà broă lơh bè bơ̆t bơtàu, bơtàu tơnguh niam chài bơh Pơrjum dờng Đảng dơ̆ XIV neh ai tơngŏ broă bơtàu tơnguh pa tàm bồ tơngoh kơlôi sơnơng jơnau đơs bal mờ mùl màl broă đơng lam bơh Đảng dê gơwèt mờ gah niam chài.

Niam chài pơn jăt tai geh ơn tàm tơngu me nùs nhơm mpồl bơtiàn dê, là bơta pràn dơlam is kwơ màng lơh pràn broă bơtàu tơnguh mhar mờ kơl jăp dà lơgar. Mờ là anih kơl dìng nàng gàr kơl jăp bơta niam chài jơi bơtiàn dê tàm bơta tơrgùm bal mờ ală lơgar jrô ơnàng. Ală gùng dà broă lơh hơ̆ ai geh tơngu me tờm nàng niam chài mùl màl gơs bơta pràn nùs nhơm, pơgồp bal tàm broă lơh jăt mùl màl jơh nùs nhơm kơ̆p kờñ bơtàu tơnguh mờ tơngu me tờm pa tàm rài bơtàu tơnguh pa jơi bơtiàn dê.