Rơndap broă lơh geh kờp jơh priă bơcri mờr 500 tơmàn đong, tàm hơ̆ tơngai bơh chờm neh bơcri mờr 200 tơmàn đong tàm bă ù ơnàng 2,9 lồ. Ală bơnah broă geh tiah ơm wơl bic mang Bungalow kềng gah tơnau dà, anih ơm rlô să brê bơnơm, anih sền mat dà bal mờ ală broă drơng ala lòt nhơl, phan sa mờ check-in.

Tiah lòt nhơl geh rơnap lài gơs là anih ơm rlô să brê bơnơm krơi is, tiah mờ nac lòt nhơl gơtùi gơ rờm să jan tàm brê bơnơm, jòi wơl bơta ring bal tàm rài kis. Jat Anih duh broă Làng bol sàh Măng Đen, tơl rơndap broă lơh sơn đờm lơh broă rơp pơgồp bơnah ai geh broă lơh, tơnguh priă lơh geh làng bol in, mờ kung chồl tơnguh bơtàu tơnguh lơh sa – mpồl bơtiàn jat gùng dà kơnhăp jŏ. Broă ai rơndap broă sơn đờm lơh broă ờ mìng pơgồp bơnah lơh sir phan bơna lòt nhơl mờ gam lơh gơlik tai anih ơm rlô să, sền git nac lòt nhơl in tŭ tus mờ Măng Đen, is ồn là tàm ală dơ̆ ơm rlô chờ, sa tềp.