Broă lơh do sơn đờm mpồl lơh broă niam chài, tàp pràn să jan mờ lòt nhơl krơi is càr dê tàm kàl duh bơh Nam Lòt nhơl dà lơgar – Gia Lai 2026 dê, geh git nđờ rơbô nă làng bol mờ cau năc lòt nhơl tus bal.

Mang sơn đờm lơh chờ geh lơh dờng mờ nền nòn ngan, bal mờ uă rùp să gùng đơs crih krơi is mờ tơngu me “Gia Lai – Kàl duh hòi jà”, ai cau sền in mŭt bal tàm broă jòi sền nàng git bơta niam ù tiah geh is, niam chài mờ kòn bơnus bơh ù tiah càr Gia Lai dê. Tàm broă lơh Lơh chờ Lòt nhơl kàl duh 2026 gam geh uă broă lơh niam chài, tàp pràn să jan krơi is bè Pơrlòng Klềng niam chài tàm ƀlàng dà lềng Xuân Diệu, bal mờ bơta niam phan sa krơi is pe tiah mờ rơlao 60 hìu tăc bal mờ bơta niam chài cing mồng lồi poh tàm Pleiku bal mờ uă broă lơh tàp pràn să jan ờs mờng bè bañ sơna kam, droh gai, pơrlòng ntoăt cah càng èt.