Do là dơ̆ sơn rờp dùl khà jờng toăt dờng geh pơgồp bal mờ gah mblàng yal jơnau, yal tơngĭt mat kă bro kơphê Buôn Ma Thuột geh bơyai lơh tàm Dăk Lăk, tơrgùm uă cau tus jat bơta kơ̆p kờñ, cau tus bal ờs mờng. Tơn jơh khà jờng, Mpồl bơyai lơh neh jàu khà jờng ai 5 nă cau ntoăt geh cồng nha jak ngan rlau jơh tàm tơl dơ̆ ntoăt 5 kơi sồ, 10 kơi sồ, mơkung pà khà jờng ală cau tus bal jak ngan jat tơl mpồl sơnam tàm bơta ngài 21 kơi sồ.

Ồng Lê Hoàng Phú, Phó Kwang lam bồ Sờh Niam chài, Tàp pràn să mờ Lòt nhơl càr Dăk Lăk pà gĭt, bal mờ mpồl cau tus bal tàm càr, khà jờng ntoăt nam do kung gơ hòi gơ jà mờr 2 rơbô nă cau tus bơh ală càr, ƀòn dờng tàm lơgar mờ ală lơgar, pơgồp bơnah lơh gơrề uă srơh tàp pràn să jan tàm mpồl bơtiàn, mơkung yal tơngĭt rùp hin ƀòn dờng Buôn Ma Thuột mờ mat kă bro kơphê Dăk Lăk tus mờ năc lòt nhơl rềp ngài in.