Ngai chờ geh Bộ Niam chài, Tàp pràn să jan mờ Lòt nhơl pơgồp bal mờ Anih duh broă Làng bol càr Khánh Hoà bơyai lơh, tơrgùm rơlao 1 rơbô nă cau chài, cau lơh, cau tàp pràn să jan tus bơh ală càr Khánh Hoà, Gia Lai, Dăk Lăk, Lâm Đồng, An Giang, Tây Ninh mờ ƀòn dờng Hồ Chí Minh.

Mpồl bơyai lơh neh jào 117 gai lòng Biàng, 117 nơm gai lòng mừh, 234 nơm Gai lòng Lơngô tàm ală tơngu me tàp pràn să jan; 19 khà A, 19 khà B mờ 20 khà C ai ală broă lơh niam chài, lòt nhơl. Ngai chờ là broă lơh mùl màl jăt Jơnau lơh nền tàm pơrjum sồ 80 bơh Bộ Chính trị dê bè bơtàu tơnguh niam chài Việt Nam, ai tơngŏ gơnoar bơh niam chài, tàm hơ̆ geh niam chài kòn cau Prum, là bơta tờm nùs nhơm, bơta pràn dơlam is mờ bơta pràn kwơ màng ai broă bơtàu tơnguh mhar, kơl jăp in.