Dơ̆ lơh chờ geh uă broă lơh niam krơi is bè dơ̆ bơyai lơh wă rò yàng, tamya siêu, đơs chèo trạo, dơ̆ sơn đờm lơh mờ đơs bội ờs mờng. Do là nam sơn rờp dơ̆ bơyai lơh duh khoai ka rơwas geh bơyai lơh dờng pơgồp bal mờ ală broă lơh niam chài, lòt nhơl càr dê nàng kờñ yal tơnggit phan lời wơl niam chài dà lềng mờ chồl tơnguh bơtàu tơnguh lòt nhơl mpồl bơtiàn.

Jat đơng lam càr, dơ̆ bơyai lơh chờ nàng kờñ pơgồp bơnah prap gàr bơta niam chài ờs mờng bơh làng bol lơh ka tiah dà lềng dê, mờ kung lơh gơs phan lòt nhơl tiơng pơn rơ krơi is. Tàm tơngume broă lơh gam geh ală dơ̆ pơrlòng tàp pràn să jan ƀlàng dà lềng, pơrlòng phan soh mòn wơl, đơs bài chòi mờ broă lơh niam chài đơs crih tamya drơng làng bol, nac lòt nhơl in.