Tàm broă lơh, Mpồl bơyai lơh neh lam lơh dơ̆ pơrlòng “Hìu bơnhă tam gơl sồ” nàng kờñ lơh gơrề uă bơta kwơ hìu bơnhă tàm rài sồ. Tơnơ̆ 25 nam lam lơh broă lơh hìu bơnhă, srơh bơt bơtàu hìu bơnhă niam chài neh lơh gơrề uă jrô ơnàng tus tàm ală thôn, ƀòn, jơrnum làng bol tiah drà tàm ù tiah càr Dăk Lăk dê.

Mơya, tềng đăp bơta bơtàu tơnguh mhar bơh mpồl bơtiàn tơngai pa dê, bơta kơn jơ̆ mờ ală hìu bơnhă ngai sơlơ gơguh, bơta tam cah is rơnàng ngai sơlơ dờng, internet lơh ờ niam ală bơta gĭt gơ̆p. Tàm tơngai hơ̆, Sờh Niam chài, Tàp pràn să jan mờ Lòt nhơl càr Dăk Lăk lam lơh dơ̆ pơrlòng “Hìu bơnhă tam gơl sồ” nam 2026 nàng kờñ tơnguh bơta gĭt wă, bơta chài sồ ai ală hìu bơnhă in, pơn jờng ngui măi mok tàm bơsram sră, lơh broă, lơh sa, kă bro mờ sền gròi pràn kơl dang să jan. Anih duh broă Làng bol càr Dăk Lăk jờng rơ uă ngan bơta kwơ bơh dơ̆ pơrlòng dê mờ sồr lam lơh dơ̆ pơrlòng ngan ngồn ngan.