Jơnau kờñ tus nam 2050 ai lòt nhơl Dăk Lăk gơgơs măt kă bro phan pràn; là anih tờm lòt nhơl ƀòn brê bơnơm, ơm rlô pràn să, lòt sền gŏ niam chài mờ lòt nhơl dà lềng niam bơnĕ is ngan. Ală cau ala măt kung tă pơgồp jơnau đơs bè broă lơh loh làng ù tiah lòt nhơl tơnơ̆ tơmŭt bal; lơh loh bơta tàm tơrbŏ đah măt tơngai Lik mờ Mŭt; gĭt nền phan bơna đal gĭt mờ măt kă bro phan lòt nhơl càr dê.

Đơs pơndŭt dơ̆ pơrjum, ồng Đào Mỹ, Phó Chủ tịch Anih duh broă Làng bol càr Dăk Lăk sồr mpồl lơh broă bơto pơlam iăt kơno jơh ală jơnau đơs tă pơgồp, pơn jăt tai lơh sir ală jơnau neh lơh nền jăt gùng lơh loh anih, măt kă bro phan lòt nhơl Dăk Lăk tàm tiah do mờ tàm jơh gùt lơgar; lơh ală phan bơna lòt nhơl tàm tơrbŏ bal đah brê mờ dà lềng jăt pơlam gùng “dùl gùng lòt- bàr ƀòn brê bơnơm”, tàm tơrbŏ ù tiah lòt nhơl tiah đah măt tơngai Lik mờ Mŭt.