Gia Lai lam lơh bơt bơtàu tiah lòt nhơl ờ geh ñhŭ jrào
Thứ ba, 06:00, 23/06/2026
Cau mblàng: K’Duẩn/VOV Tây Nguyên
Cau mblàng: K’Duẩn/VOV Tây Nguyên
VOV.K’Ho- Tàm sơnah ƀòn Quy Nhơn, Cục Lòt nhơl Dà lơgar Việt Nam pơgồp bal mờ Kes priă Rơcang, kơryan bơta aniai bơh jràu dê (Ƀộ Lơh sơnơm) mờ Sờh Niam chài, Tàp pràn să jan mờ Lòt nhơl càr Gia Lai bơyai lơh Dơ̆ lam lơh “Bơt bơtàu tiah kis ờ geh nhŭ jràu tàm anih lòt sền mờ anih ơm wơl bic mang lòt nhơl”.
Broă lơh nàng kờñ tơnguh jơnau git wă bơh mpồl bơtiàn, mpồl lơh sa kă bro mờ nac lòt nhơl dê bè bơt bơtàu tiah lòt nhơl lơngăp lơngai, gơguh jak, đềt mềr mờ pràn kơldang; pơgồp bơnah lơh geh bơtàu tơnguh tơlir, kơ̆ kơljap jŏ jòng sùm.
Đơs tàm dơ̆ bơyai lơh, đơng lam Cục Lòt nhơl Dà lơgar Việt Nam pà git, bal mờ jơnau kờñ gơguh bè khà nac mờ priă lơh geh, gah lòt nhơl gam tơrgùm tơnguh bơta niam anih tus jat gùng dà bơtàu tơnguh tơlir, geh kơnòl mờ kơnhăp kơ̆. Broă rơwah Gia Lai - tiah tờm bơyai lơh Nam Lòt nhơl Dà lơgar 2026 - lơh anih lam lơh nàng kờñ lơh gơ rề jơnau pơyua bè bơt bơtàu tiah lòt nhơl ờ geh ñhŭ jrào tàm gùt lơgar.
Viết bình luận