VOV.K'Ho- Kơm buôt geh tiah hòi là m’buôt, ding prao, bơnung prao…là phan ngui uh geh ngui uă tàm rài kis nùs nhơm cau K’Ho tàm Tây Nguyên dê. Bulah bè hơ̆, tàm rài kis tŭ do, tài kal ke ngui den tàng uă ơruh pơnu ờ gŏ bài kờñ mờ broă uh kơm buôt. Lơh bè lơi nàng prăp gàr sùm săp ntas uh kơm buôt ƀalhiă, ờs mờng bơh jơi bơtiàn dê là jơnau kơlôi rơcăng sùm bơh cau chài Liêng Hót Ha Chong dê, dồ ên nă cau gam geh mòn mờ ngui chài ngan kơm buôt do.

VOV.K’Ho – Cau chài jak ngan ồng A Thu - kòn cau Sơdàng ơm tàm thôn Đăk Trăm 1, sàh Kon Đào, càr Quảng Ngãi neh lời uă nam sền gàr, lơh wơl mờ bơto wơl cing mồng, đờng lŭ bal mờ ală bơta đờng goòng bơh yau. Ờ mìng là cau mòn, nhơl đờng goòng jak ngan, ồng gam mblàng wơl bơta kờñ gơboh niam chài jơi bơtiàn ai rơnàng kơnòm să in, nàng ală sap ntas kòn cau Sơdàng dê pơn jat tai kis tàm tơl hìu bơnhă, tơl thôn, ƀòn.

VOV.K’Ho – Dơ̆ lơh chờ tơrnờm, mpong ntas cing mồng, gơklŏ gơ crà niam chài Tây Nguyên bal mờ ală anih ràng tac sầu riêng, phan lơh gơs bơh suơn sre bơkah tiơng pơn rơ gam lơh gơs nùs nhơm hô hơng ngan tàm uă ƀòn lơgar tàm càr Dăk Lăk tàm dơ̆ lơh chờ Sầu riêng nam 2026. Bol he bal mờ gơp gơ rờm bal tĕ mờ nùs nhơm lơh chờ tàm ală sàh Liên Sơn Lăk mờ Ea Knuếc, ñô tơrnờm ƀô bơkah cau M’nông dê mờ tơmut să jan he dê tàm bơhiàn hòi dan kàl lơh sa hờm ram, wil tơl làng bol kòn cau Rơđê dê.

VOV.K’Ho- Tàm tiah đah mat tơngai lik càr Dăk Lăk tŭ do geh 25 tờm chi Phan lời wơl geh dờp. Tơl nơm tờm chi pơgồp bal mờ jơnau yal bơh dùl kơnhoàl ù tiah. Broă sền gàr mờ ngui niam bơta kwơ ală tờm chi phan lời wơl ờ mìng là sền gàr ală cồng nha mờ cau lài do dê lời uă dà kơl hề tam sơng sền gàr lơm mờ gam bơto bơtê rơnàng tơnơ̆ do in sền dờng màng ală bơta kwơ phan lời wơl tơlir mờ bèp ồng dê lời wơl. Bơh hơ̆, ală jơnau yal bè nùs nhơm ù, nùs nhơm cau dê pơn jat tai geh tàm tơrbŏ mờ tàm pơr dờn.

VOV.K’Ho- Tàm sàh Nhơn Lý, càr Gia Lai sơnđờm mŭt lơh Dơ̆ lơh chờ Rơbô bơkào mờ tơngume "Rơbô bơkào rê hờ ƀòn dờng dà lềng".

VOV.K'Ho- Tŭ do, bơdìh mờ broă bơtàu tơnguh bè rùp rài uă bơta rơlao, drà kă bro rề ơnàng rơlao, cau kơnòm să kòn cau Prum tàm ƀòn lơh ù buh Bình Đức, thôn Phan Hiệp, sàh Bắc Bình, càr Lâm Đồng gam tơrbŏ bal mờ rài lài do mờ tŭ do mờ mpàng tê plào bơh cau chài dờng sơnam dê lơh broă bal mờ ală pang rùp cau kơnòm să dê.

VOV.K’Ho- Dơ̆ lơh yàng dà mbòr là dùl bơhiàn lơh yàng bơh yau gơ jat bal đềt mềr ngan mờ rài kis gah huềng kung bè rài kis pah ngai ƀòn lơgar cau Bahnar tàm tiah Tây Nguyên dê. Ờ mìng là dơ̆ nàng hòi dan mìu niam càl niam, kàl lơh sa gơs tơlir, dơ̆ lơh yàng gam ai tơnggŏ nùs nhơm kis tàm sòr mờ brê bơnơm mờ bơta bơrkuăt bal kơ̆ kơljap đah kòn bơnus mờ mpồl bơtiàn.

VOV.K'Ho- Kềng gah hiòng dà dờng Cai, ƀòn Quảng Đức (càr Dăk Lăk) prăp gàr tềl lời wơl bơh dùl broă lơh ù buh neh gam sùm bơh uă rài. Ală bơnhă buh, ƀlàng sang phan bơna, ală phan bơna ù buh gam lời pơrdờn wơl tàm ală hìu bơnhă mờ is ồn là tăp men crăp mờ kơndoh kràng mhàm neh pơgồp bơnah đal gŏ dùl gơnru ù buh cèng uă tềl lời wơl bă ù Phú Yên yau. Broă lơh ù buh tŭ do neh hŭi roh tĕ, uă bơta chài ờ gam geh lời pơrdờn wơl, mơya jơnau yal bè dùl ƀòn broă lơh neh geh tŭ đềt mềr mờ rài kis mờ tăc blơi bơh làng bol ƀòn tiah tàm gùl lơgar dê kung gam bè ờs bơta kwơ.

VOV.K'Ho - Lơh jat Nam lòt nhơl dà lơgar - Gia Lai 2026, tàm càr Gia Lai geh bơyai lơh anih cribơyai Lam lơh lòt nhơl ală lơgar, nàng kờñ tơnguh mhar gơ hòi gơ jà nac ală lơgar tus Việt Nam mờ ală phan lòt nhơl pa. Bơta tờm bơh broă lơh do dê là Broă lơh Ngai Lam lơh lòt nhơl dơ̆ 2 bơh Ală mpồl lơh Lòt nhơl Việt Nam bơyai lơh, gơ hòi gơ jà git nđờ rhiang mpồl lơh sa kă bro ală lơgar tus jòi, tàm tơrbŏ bal ală phan lòt nhơl.

VOV.K'Ho - Tàm dơ̆ lơh chờ sầu riêng, ală ngai do, tàm Anih ơn prap phan kuơ càr Dăk Lăk, geh lơh broă lơh niam chài lòt sền “Hìu jòng show”. Broă lơh ai tơnggŏ wơl rài kis niam chài ờs mờng cau Rơđê dê mờ broă lơh mpràp bơyai lơh sền git, pơgồp bal mờ niam chài bơyai lơh mờ măi mok pa drơng nac lòt nhơl in.