VOV.K'Ho- Lơh yàng wă rò Lệnh Ông Sanh, do là broă lơh kwơ màng tàm Lơh chờ Răc dan lòt lơh ka tàm ală tiah lơh ka tàm sơnah ƀòn Phan Thiết nam 2026 dê, geh bơyai lơh niam bơnĕ ngan tàm dà lềng, dà dờng Cà Ty mờ ală gơl gùng tàm dơlam sơnah ƀòn Phan Thiết, càr Lâm Đồng dê. Lơh chờ ờ mìng pơyoa jơnau kơ̆p gơn bè ală dơ̆ lik lòt tàm dà lềng lơngăp lơngai mờ gam pơgồp bal tàm broă prăp gàr bơta niam chài bơh mpồl bơtiàn làng bol kis tàm tiah dà lềng dê.

VOV.K’Ho- Mờ tơngu me “Sền gàr bơhiàn niam chài dà lềng- Răc dan kơ̆p kờñ dà lơgar ring lơngai làng bol lơngăp lơngai- Cau lơh ka lòt tàm dà lềng geh cồng nha”, “Dơ̆ lơh Yàng dan lòt lơh ka ală ƀòn lơh ka sơnah ƀòn Phan Thiết nam 2026 neh geh bơyai lơh tàm mpràp gùng Phạm Văn Đồng, sơnah ƀòn Phan Thiết, càr Lâm Đồng.

VOV.K’Ho- Dơ̆ sơnrờp sơnah ƀòn Buôn Ma Thuột, càr Dăk Lăk pơgồp bal bơto wơl niam chài ờs mờng mờ bơto bơtê bơta chài lơh lòt nhơl tàm ƀòn lơgar tơn, wèt tus bơt bơtàu mpồl kơnòm să mơlà sền gàr bơhiàn niam chài is kòn cau Rơđê mơlà tus bal bơtàu tơnguh lòt nhơl mpồl bơtiàn.

VOV.K’Ho- Tơnơ̆ tŭ tơmŭt bal, bơta mờ Lâm Đồng geh ờ mìng là dùl ù tiah lòt nhơl dờng ơnàng rlau lơm. Bơta kwơ màng rlau là dùl tŭ tơngai niam ờ hian geh nàng lơh wơl kơlôi sơnơng bơtàu tơnguh. Ờ mìng là jơnau bơh 3 tiah is rah rài lơm. Ờ gam là 3 mat kă bro ơm rềp bal lơm. Mờ là bơt bơtàu dùl gùng lòt, dùl tiah tus, dùl mat kă bro bal. Hơ̆ kung là bơta mờ uă mpồl lơh sa kă bro lòt nhơl gam sơnđờm mut lơh.

VOV.K’Ho- Mang òr (03/08), tàm Ƀlàng dờng Nguyễn Tất Thành, sơnah ƀòn Quy Nhơn, càr Gia Lai geh lơh dơ̆ sơn đờm mut lơh Pơrlòng Võ bơhiàn yau Việt Nam dơ̆ IX - Gia Lai 2026.

VOV.K’Ho – Tàm sàh Nâm Nung, càr Lâm Đồng, cau M’nông gam rơhời lơh niam bơta niam chài bơh yau gơ gơs bơta pràn bơtàu tơnguh lòt nhơl mpồl bơtiàn. Tus Yôk Nâm Nung tŭ do, nac lòt nhơl ờ mìng sền ù tiah brê bơnơm niam bơnĕ mờ gam geh sền git rài kis, bơhiàn ờs mờng mờ ù tiah niam chài krơi is làng bol kòn cau dê tai.

VOV.K’Ho – Pa do, tàm anih prap ơn phan kuơ càr Dăk Lăk, Anih tờm Niam chài - Lòt nhơl càr Dăk Lăk bơyai lơh broă lơh Lơh niam chài cing mồng drơng làng bol mờ nac lòt nhơl in (dơ̆ 7) mờ tơngume “Sap mpong ngai tam bau’. Jat broă rơndap lơh, broă lơh do rơp geh pơn jat tai bơyai lơh pah nhai dùl dơ̆. Tàm do, pah nhai, gah niam chài rơp yal tơnggit dùl bơhiàn bơh yau bơh ală jơi bơtiàn tàm càr dê, pơgồp bơnah prap gàr phan lời wơl mờ lơh gơs tai phan lòt nhơl drơng nac lòt nhơl in.

VOV.K'Ho- Sờh Niam chài, Tàp pràn să jan mờ Lòt nhơl càr Dăk Lăk pa pơgồp bal mờ Anih duh broă Làng bol sàh Xuân Lãnh bơyai lơh Lơh yàng răc dan kàl lơh sa kòn cau Bơnhàr tàm thôn Xí Thoại.

VOV.K'Ho- Dơ̆ pơrlòng hòi tơrgùm geh 33 mpồl mờ rlau 900 nă cau ala măt, cau pơlam tàp, cau tàp pràn să jan tàm pơrlòng jak tàm 2 tơngume quyền thuật mờ bàr nă cau tàm pơrlòng tơn.

VOV.K'Ho- Jăt bơhiàn ờs mờng bơh yau bơh cau K’Ho Cil dê tàm càr Lâm Đồng, pah tŭ lơh hìu pa, làng bol ndrờm bơyai lơh ală broă lơh yàng dờng màng ngan, tơnggŏ tŭ jiơ kwơmàng tàm rài kis. Do kung là tŭ nàng làng bol, jơi nòi mờ thôn ƀòn chờ hờp bal, sơlơ lơh kơ̆ kơl jăp bơta tam klăc. Sơrlèt rlau gĭt nđờ rài, broă lơh yàng hơ̆ kung gam geh cau K’Ho Cil lơh sùm sơl, gơgơs dùl bơhiàn niam chài bềng bơta niam chài krơi is tàm bă ù Tây Nguyên dê.