VOV.K’Ho – Tàm bơta tơngai càl brê bơnơm dờng dê, sap cing bơh nđờ rài do neh gơ mut tàm rài kis cau Rơđê dê. Tàm rài kis pa, sàh Dang Kang, càr Dăk Lăk gam lơh ngan gàr sap cing kơnờm ală cau chài jơh nùs bơto wơl ai rơnàng kơnòm să in. Mờ 33 bòr cing mồng, rlau 50 nă cau chài git dròng mờ 6 nă cau chài lơh niam wơl cing, do là bơta kuơmàng ngan nàng Dang Kang pơn jat tai prap gàr niam chài phan lời wơl tàm rài kis pa tŭ do.

VOV.K'Ho- Bơh ală ngai chờ ờ gŏ rơcăng, ờ gŏ geh mpràp tus gùng lòt 30 nam lơh wơl niam chài bơh dùl nă cau chài dê, ală sàh tiah bơnơm ƀòn dờng Đà Nẵng gam rơhời lơh loh làng Jơnau lơh nền tàm pơrjum 80 Ƀộ Chính trị dê, ai niam chài ờs mờng bơh yau gơgơs bơta pràn gơn kơnờm bơtàu tơngguh kơnhăp jŏ.

VOV.K'Ho- Mho ngai 17/09, ồng Trịnh Văn Quyết, Lam bồ Mpồl Mblàng yal bơto bơtê Dà lơgar dê lơh broă mờ ală anih lơh broă bè lơh niam gơnoar broă bơh niam chài dê tă pơgồp tàm jơnau kờñ gơguh tai lơh sa jăt nùs nhơm Jơnau lơh nền tàm pơrjum bơh Pơrjum dờng XIV Đảng dê.

VOV.K'Ho- Bal mờ bơcri priă lơh phan bơna lài ngan, broă dong kờl bơtàu tơnguh lòt nhơl mpồl bơtiàn tàm càr Dăk Lăk tơngai pa geh ai gùng dà broă lơh nàng dong kờl sùm rơlao, pơgồp bal mờ tơnguh uă bơta pràn làng bol dê, prăp gàr bơta niam chài mờ tơrbŏ bal drà kă bro. Do là tơngu me tờm geh tơrgùm cri bơyai tàm Pơrjum mìng dùl tơngu me “sền wơl broă lơh jăt broă dong kờl bơtàu tơnguh lòt nhơl mpồl bơtiàn tàm tiah làng bol jơi bơtiàn ờ gal cau pơgồp bal mờ prăp gàr mờ ngui bơta niam chài jơi bơtiàn tàm càr dê”.

VOV.K'Ho- Tàm ƀòn yau Hội An, ƀòn dờng Đà Nẵng dê geh bơyai lơh broă lơh tìp bal niam chài, đơs crih tamya mờ đoàn ơruh pơnu kơnòm pa tào lơgar Colombia, pơgồp bal tàm broă tơrbŏ bal niam chài, tơnguh jơnau git wă mờ nùs nhơm git gơ̆p lơh bơyô bal đah lơgar Việt Nam mờ lơgar Colombia.

VOV.K’Ho – Ồi kòn cau M’nông bơh jŏ neh là phan kuơmàng, ai tơnggŏ bơta chài rơgơi mờ nùs nhơm cau ùr dê. Dilah bè lài do, ồi kòn cau ờ mìng kuơmàng mờ ờ huan geh tai, sùm mìng geh ngui tàm ală dơ̆ kuơmàng, den tŭ do, phan do neh ƀuơn ngan ngui. Bơh ồi àu, ồi tơ̆ tus kơldung triau, phan kơt sŏ… ồi kòn cau gam geh uă cau ngui tàm jơh bal rài kis bè ờs pah ngai.

VOV.K’Ho- Tàm Tây Nguyên đơs, càr Gia Lai đơs is, ngai sơlơ geh uă cau kơnòm să ngui internet ờ mìng nàng lơh rài bồ tơngoh lơm mờ gam kŭp is video, livestream, tam pà ală jơnau yal bè ƀòn lơgar, niam chài, phan lơh geh bơh broă lơh sa suơn sre mờ rài kis mpồl bơtiàn. Khi gam gơ gơs ală cau bơceh tơngume, pơgồp bơnah ai rùp hin Tây Nguyên tus rềp rlau tai mờ làng bol. Bol he tìp mat bal bàr pe nă cau pơn rơ jak ngan tàm Pơrjum KOL càr Gia Lai nam 2026 geh bơyai lơh tàm ngai 11/9 tàm Pleiku.

VOV.K'Ho- Càr Dăk Lăk gam lam lơh Ală jơnau neh lơh nền bơ̆t bơtàu Sươn bal phan dơlam ù Phú Yên wèt tus măt hòi Sươn bal phan dơlam ù gùt plai ù UNESCO. Nàng ai măt hòi gơgơs bơta pràn gơn kơnờm bơtàu tơngguh, ƀòn lơgar kờñ pal prăp gàr ală bơta kwơ phan dơlam ù, brê bơnơm, niam chài gơ jăt bal mờ bơtàu tơngguh lòt nhơl mờ broă lơh broă sa mpồl bơtiàn.

VOV.K'Ho- Drim òr (10/09), tàm Tiah tềl kah yau Hìu duh khoai Tây Sơn Tam Kiệt, sàh Tây Sơn, càr Gia Lai geh bơyai lơh pơdơng bơkào, chu ñàng mờ duh kah di tơnkah 234 nam ngai chơ̆t Bơtau Quang Trung – Nguyễn Huệ. Do là dơ̆ nàng ală rơnàng tŭ do kah tus, ưn ngài broă lơh dờng màng bơh cau khin cha ào biài, jăk chài ling klàng, neh geh ală broă lơh pơgồp bal dờng màng tàm rài jơi bơtiàn dê.

VOV.K’Ho- Mang òr (08/09), tàm ƀlàng coh plai Quy Nhơn, sơnah ƀòn Quy Nhơn, Pơrlòng tàp pràn să jan càr Gia Lai dơ̆ 1 nam 2026 ngan ngồn sơn đờm mut lơh.