Pơrlòng bơyai lơh tàm pơrlòng 21 môn tàp pràn să jan, gơ hòi gơ jà 3 rbô nă cau pơrlòng, rlau 600 nă cau pơlam tàp mờ 500 nă cau đơng lam dơ̆ pơrlòng tàm gùt càr tus bal. Sơn đờm dơ̆ mut lơh là dơ̆ lòt tàm pơdar jờng rơ mpồl mờ bơta tus bal bơh ală gah lơh bơhiàn ờs mờng, 31 mpồl cau pơrlòng mờ gah đơng lam dơ̆ pơrlòng, ai tơnggŏ bơta dờng mờ nùs nhơm tam klac bal ală ƀòn lơgar, ală mpồl dê.

Pơn jat hơ̆ là bơhiàn ờs mờng rò mờ chu sơm pòl ồs Pơrlòng. Sơm pòl ồs geh ai bơh Hìu duh khoai Tây Sơn Tam kiệt, cèng jơnau gơtha tàm pơn jat tai bơhiàn bơh yau, nùs nhơm tam klac mờ bơta kơp kờñ brồ guh ală rơnàng kơnòm să Gia Lai dê. Mờ tơngume “Tàp pràn să jan Gia Lai - Kơp kờñ bơtàu tơnguh”, Pơrlòng pơgồp bơnah lơh gơ rề srơh “Jơh gùt làng bol pơlam tàp tàp pràn să jan jat krơh Wa Hồ kờñ gơboh”, mờ kung pơgồp bal tàp pràn să jan mờ niam chài, lòt nhơl, yal tơnggit rùp hin Gia Lai ngac ngar, bềng lìu bơta niam chài tàm Nam lòt nhơl dà lơgar 2026.