Đơs tàm dơ̆ lơh broă, ồng Trịnh Văn Quyết, Lam bồ Mpồl Mblàng yal bơto bơtê Dà lơgar sồr ală cau ala măt tơrgùm lơh loh ală broă tơnơ̆: Dùl là, đal gŏ mờ lơh gơtùi kờp geh tă pơgồp bơh niam chài dê gơ wèt mờ gơguh tai.

Tă pơgồp tàm GDP, gơguh tai kờp bal, bơta kwơ gơguh tai, broă lơh, priă lơh geh, kes priă, tăc mờ lơgar ndai, gơhòi gơ jà bơcri priă; geh bal tă pơgồp tơn, ờ tơn mờ gơdờp lơh gơrề uă. Bàr là, gĭt nền loh ală broă geh tơl pràn gơgơs bơta pràn gơn kơnờm gơguh tai pa. Ờ gơtùi rah rài, ờ gơtùi “kờp bal” broă dong kờl ai tơl broă lơh in. Gah niam chài lơi Việt Nam geh bơta ƀươn tàm pơrlòng ngan ngồn; broă lơh kờñ geh kơrnoăt tam gơl pràn; phan bơna tờm pràn lơi gơtùi gơgơs măt kă bro dà lơgar tàm tơngai lơh broă do tơn.