VOV.K'Ho- Bơh tŭ rơ̆p rìng àng drim, tŭ măt tơngai àng drim kờñ neh lik tềng măt dà lềng, tàm pơn jăt rài kis lik lơh broă mơ, mơya bơta bè ờs neh lơh geh bơta krơi is bơh ƀòn tras ka Mũi Né dê, do là dùl anih tus niam bơnĕ ờ mìng tài ù tiah niam mờ gam tài ală bơta kwơ niam chài mpồl bơtiàn ƀòn ơm kis jăt gah dà lềng do dê.

Ală ngai do, tàm ală sàh, sơnah ƀòn tàm càr Khánh Hòa gam duh hồl ngan Festival dà lềng 2026. Tơnơ̆ tŭ tơrgùm dùl, lòt nhơl Khánh Hòa gam geh ală tam gơl niam ngan tŭ ù tiah bơtàu tơnguh geh pờ ơnàng, bơta kuơ niam chài geh lơh niam, ală anih tus ngai sơlơ gơ hòi gơ jà nac lòt nhơl.

VOV.K'Ho- Mìng gam ờ uă ngai tai lài mờ tŭ bơyai lơh Festival Dà lềng càr Khánh Hoà 2026 sơn đờm mŭt lơh, ngai òr (14/07), Sờh Niam chài, Tàp pràn să jan mờ Lòt nhơl càr Khánh Hoà kĭ hơ lơh broă bal mờ Grab Việt Nam lơh ală gùng dà broă lơh nàng tam gơl sồ lòt nhơl tơngai bơh nam 2026 tus 2030. Bơta tờm bơh broă lơh là bơ̆t bơtàu bơta niam “Pang sră rùp ù tiah càr Khánh Hoà Pal Tơrlòng” tàm phan ngui Grab, dong kờl cau năc lòt nhơl ƀuơn jòi ală tiah kờñ tus, lơh mờ phan sa krơi is bơh càr dê.

VOV.K’Ho- Lồi poh lài, Sờh Niam chài, Tàp pràn să jan mờ Lòt nhơl càr Dăk Lăk pơgồp bal mờ Anih duh broă Làng bol sàh Ea Phê sơnđờm pờ ơdŭ bơto yal wơl bơta chài dròng cing jañ mồng mờ tam ya xoang bơh kòn cau Rơđê dê. Do là ơdŭ bơto yal wơl dơ̆ 3 geh lam lơh tàm dơ̆ do, pơgồp bơnah ai ală broă lơh prap gàr phan lời wơl niam chài cing mồng gơ lòt mut tàm bơta geh ngan tàm ƀòn lơgar

VOV.K’Ho – Gơ wèt mờ làng bol kòn cau Bahnar, cing mồng mờ đơs pơnđik ờ mìng là niam chài bơyai lơh. Hơ̆ gam là jơnau đơs tàm tơrbŏ bal mờ brah yàng, là dang che kơt kơ̆ bơta tam klac bal mpồl bơtiàn ƀòn lơgar. Tàm rài kis pa tŭ do, ală cau kra, cau kơnòm să tàm sàh Tơ Tung, càr Gia Lai - ƀòn tờm cau khin cha jak chài Núp dê gam lơh ngan sền gàr, lơh niam ală bơta niam chài jơi bơtiàn he dê.

VOV.K'Ho- Ƀañ ca là bơta ƀañ ờs mờng bơh yau bơh làng bol cau Prum dê tàm càr Lâm Đồng, geh lơh dồ lơh mờ tê kèr chài ngan. Dilah bè lai do ƀañ mìng ngui lơh phan pà tàm ngai lơh yàng lơm, den ngai do, bơh bàr nơm mpàng tê kèr chài bơh he dê, cau ùr kòn cau Prum tàm sàh Hồng Thái, càr Lâm Đồng neh ai bơta ƀañ do gơgơs phan bơna kă bro, tus mờ uă tiah tàm dơlam mờ bơdìh càr.

VOV.K'Ho- Bơh tàm pơn jăt rài kis duh hồl tềng gah tơnao dà Ea Kao, tus mờ nùs nhơm kờñ bơtàu tơnguh lòt nhơl ơm rơlô să, ƀlàng golf mờ tiah niam, càr Dăk Lăk gam rơhời pơrlai bơta geh, pờ geh dùl bơta pràn bơtàu tơnguh pa bơh brê bơnơm dờng lik tus dà lềng.

VOV.K'Ho- Gah Niam chài, Tàp pràn să jan mờ Lòt nhơl càr Lâm Đồng gam lơh pràn broă tam gơl sồ, ai lài lơh anih yal tơngit nàng tơnguh uă cồng nha atbồ, yal mờ drơng cau năc lòt nhơl in.

VOV.K'Ho- Tàm Ngai chờ Niam chài kòn cau Prum dơ̆ VI, pơrjum bơyai “Prăp gàr mờ ngui bơta niam chài krơi is kòn cau Prum tàm rài pa” neh geh gal cau tus bal bơh uă cau jăk chài mờ mpồl lơh sa kă bro lòt nhơl. Ală cau ala măt đơs nền, prăp gàr bơta niam chài kòn cau Prum ờ mìng nàng prăp gàr phan lời wơl, mờ gam là bơta pràn bơtàu tơnguh lòt nhơl mờ lơh sa mờ măi mok niam chài tàm rài măi mok sồ. Phan ngui sồ bè phan lời wơl niam chài kòn cau Prum kung geh tơlik măt, pờ geh dơ̆ niam nàng yal mờ tơrbŏ bal niam chài tus mờ lòt nhơl gùt plai ù.

VOV.K’Ho – cau Jarai tàm tiah đah jum mat tơngai lik càr Gia Lai gam prap gàr uă bơta kuơ niam chài krơi is ờ huan geh uă tiah gam bè ờs. Hơ̆ là ală bòr cing yau cèng bơta rơndap tap sèng mờ sap ntas krơi is, geh prap gàr bơh uă rài. Bal mờ hơ̆ là niam chài tamya sơng gơr krơi is, bơrlŭ bal mờ dap cing mờ ală cơnđùa jơng tamya xoang rơlĕ rơlùn lơh gơs huềng sồp bơh dơ̆ lơh chờ niam chài cau Jarai dê.